കെ ആര്‍ അനൂപ്|
Last Modified തിങ്കള്‍, 20 മാര്‍ച്ച് 2023 (15:06 IST)
സംവിധായകന്‍ ഷങ്കര്‍ കമല്‍ഹാസന്റെ 'ഇന്ത്യന്‍ 2' എന്ന ചിത്രത്തിന്റെ ഷൂട്ടിംഗ് ഷെഡ്യൂള്‍ പൂര്‍ത്തിയാക്കിയിരുന്നു. ഒരു ചെറിയ ഇടവേളയ്ക്ക് ശേഷം ടീം അടുത്തതായി ദക്ഷിണാഫ്രിക്കയിലേക്ക് പോകുമെന്ന് റിപ്പോര്‍ട്ടുകളുണ്ട്. ഇപ്പോഴിതാ 'RC15' സെറ്റില്‍ ജോയിന്‍ ചെയ്തിരിക്കുകയാണ് സംവിധായകന്‍.
രാം ചരണും കിയാര അദ്വാനിയും പ്രധാന വേഷങ്ങളില്‍ അഭിനയിക്കുന്നു.
ആക്ഷന്‍ എന്റര്‍ടെയ്നറില്‍ രാം ചരണ്‍ ഒരു രാഷ്ട്രീയക്കാരനായി വേഷമിടുന്നു.അഞ്ജലിയും എസ് ജെ സൂര്യയും മറ്റു പ്രധാന റോളുകള്‍ കൈകാര്യം ചെയ്യുന്നു.സുനില്‍, ശ്രീകാന്ത്, ജയറാം, നവീന്‍ ചന്ദ്ര എന്നിവരും ചിത്രത്തിന്റെ ഭാഗമാണ്
ശ്രീ വെങ്കിടേശ്വര ക്രിയേഷന്‍സിന്റെ ബാനറില്‍ ദില്‍ രാജുവും ശിരീഷും ചേര്‍ന്ന് നിര്‍മ്മിക്കുന്ന ഈ ചിത്രം തമിഴ്, തെലുങ്ക്, ഹിന്ദി ഭാഷകളില്‍ പുറത്തിറങ്ങും.
