മണിച്ചിത്രത്താഴിന്റെ രണ്ടാം ഭാഗം, മലയാളത്തിലല്ല ഹിന്ദിയില്‍, ഭൂല്‍ഭുലയ്യ 2 റിലീസിനൊരുങ്ങുന്നു
കെ ആര്‍ അനൂപ്|
Last Modified ബുധന്‍, 27 ഏപ്രില്‍ 2022 (08:53 IST)
ചലച്ചിത്ര ആസ്വാദകര്‍ക്ക് എത്രകണ്ടാലും മതിവരാത്ത സിനിമയാണ് മണിച്ചിത്രത്താഴ്. സിനിമയുടെ ഹിന്ദി പതിപ്പിന്റെ രണ്ടാം ഭാഗം റിലീസിന് ഒരുങ്ങുകയാണ്. ഭൂല്‍ഭുലയ്യ 2 മെയ് 20ന് തിയേറ്ററുകളില്‍ എത്തും.
2007 ലായിരുന്നു ആദ്യ ഭാഗം പുറത്തിറങ്ങിയത്.'ഭൂല്‍ ഭുലയ്യ' സംവിധാനം ചെയ്തിരിക്കുന്നത് സംവിധായകന്‍ പ്രിയദര്‍ശനാണ്. ഹിന്ദിയില്‍ നാഗവല്ലിയായി എത്തിയത് വിദ്യാ ബാലന്‍ ആയിരുന്നു.
ടി സീരീയസും സിനി വണ്‍ സ്റ്റുഡിയോസും ചേര്‍ന്നാണ് ചിത്രം നിര്‍മ്മിക്കുന്നത്.
കാര്‍ത്തിക് ആര്യന്‍, തബു, കിയാര അദ്വാനി, രാജ്പാല്‍ യാദവ്, സഞ്ജയ് മിശ്ര എന്നിവരാണ് പ്രധാന വേഷങ്ങള്‍ എത്തുന്നത്.
