ഹോളിവുഡില്‍ സുദീര്‍ഘ ദാമ്പത്യങ്ങള്‍ അപൂര്‍വ്വമായി വരുന്ന കാലഘട്ടത്തില്‍ ഓസ്‌കര്‍ പുരസ്‌കാര ജേത്രി കൂടിയായ ഭാര്യ ജോന്നെ വുഡ്‌വാര്‍ഡിനൊപ്പം മികച്ച ദാമ്പത്യ ജീവിതമാണ്‌ ന്യൂമാന് നയിച്ചത്‌. ‘ദ ലോംങ്ങ്‌ ഹോട്ട്‌ സമ്മര്‍’ എന്ന ചിത്രത്തിലൂടെ 1958ല്‍ ഈ ജോഡി ജീവിതത്തിലും ഒന്നിക്കുകയായിരുന്നു.
വിയറ്റ്‌നാംയുദ്ധത്തിനെതിരെ ശക്തമായി രംഗത്തു വന്നതിലൂടെ ന്യൂമാന് പ്രസിഡന്‍റ് നിക്‌സന്‍റെ എതിരാളികളുടെ പട്ടികയിലായി. ഒരു നടന്‌ ലഭിക്കാവുന്ന ഏറ്റവും വലിയ ബഹുമതിയായി താനതിനെ കാണുന്നു എന്നാണ്‌ ന്യൂമാന് പില്‍ക്കാലത്ത്‌ ഇതിനോട്‌ പ്രതികരിച്ചത്‌.
ന്യൂമാന് ആദ്യ ഭാര്യ ജാക്കി വിറ്റില്‍ രണ്ട്‌ പെണ്‍മക്കളും ഒരു ആണ്‍കുട്ടിയും ഉണ്ടായിരുന്നു. വുഡ്‌വാര്‍ഡില്‍ മൂന്ന്‌ പെണ്‍മക്കളും. മദ്യത്തിന്‍റെയും മയക്കുമരുന്നിന്‍റേയും അമിത ലഹരിയില്‍ മകന്‍ അപകടത്തില്‍ പെട്ട്‌ മരിച്ചത്‌ ന്യൂമാന്‍റെ ജീവിതത്തില്‍ മാറ്റങ്ങള്‍ വരുത്തി.
കുട്ടികളില്‍ മയക്കുമരുന്ന്‌ വിരുദ്ധ വികാരം വളര്‍ത്തുന്നതിനുള്ള സിനിമ എടുക്കുന്നതിന്‌ വേണ്ടി നിര്‍മ്മാണ കമ്പനി തന്നെ ന്യൂമാന് ആരംഭിച്ചു.
ജൂതമതക്കാരനായ അച്ഛന്‌ കത്തോലിക്കകാരിയായ അമ്മയില്‍ 1925 ജനുവരി 26നാണ്‌ ന്യൂമാന് പിറന്നത്‌. രണ്ടാം ലോകമഹായുദ്ധകാലത്ത്‌ അമേരിക്കന്‍ സേനയില്‍ പ്രവര്‍ത്തിച്ചു. സേനയില്‍ നിന്ന്‌ മടങ്ങിയ ശേഷം അഭിനയം പഠിക്കാനും സമയം കണ്ടെത്തി.
ദി സില്‍വര്‍ ചാലിസ്‌ (1954) ആയിരുന്നു ആദ്യ ചിത്രം. സംബെഡി അപ്‌ ദേര്‍ ലൈക്‌സ്‌ മീ (1956) ഏറെ ശ്രദ്ധിക്കപ്പെട്ടു. പിന്നീടങ്ങോട്ട്‌ ഹോളിവുഡിലെ പ്രമുഖതാരസാന്നിധ്യമായി ന്യൂമാന് മാറുകയായിരുന്നു.
WEBDUNIA|
അമേരിക്കയിലെ സ്വവര്‍ഗ്ഗാനുരാഗികളുടെ അവകാശ പോരാട്ടങ്ങളിലും ന്യൂമാന് മുന്‍നിരയില്‍ ഉണ്ടായിരുന്നു.
