താരതമ്യം ഇല്ലാതെ ലോകത്ത് ഒരു ചര്‍ച്ചയും പൂര്‍ണ്ണമാകില്ല. കായികരംഗം, രാഷ്‌ട്രീയം, സിനിമ എന്നീ മേഖലകളില്‍ പല വിധത്തിലുള്ള സങ്കേതങ്ങള്‍ ഉപയോഗിച്ചാണ് താരതമ്യ പഠനം നടക്കാറ്.
അതേസമയം വ്യത്യസ്ത സംസ്‌കാരങ്ങളില്‍ നിന്ന് വരുന്ന, ശരീര ഭാഷയുള്ള വ്യക്തികളില്‍ നിന്ന് മികച്ചവനെ കണ്ടെത്തുമ്പോള്‍ എല്ലാ അര്‍ത്ഥത്തിലും ആ തെരഞ്ഞെടുപ്പിനോട് നീതി പുലര്‍ത്തുവാന്‍ കഴിയുമോ?. ഏറ്റവും കൂടുതല്‍ കൈയ്യടിയും ട്രോഫികളും നേടിയ വ്യക്തിയെ ഒന്നാംസ്ഥാനത്ത് പ്രതിഷ്‌ഠിക്കുന്നത് ശരിയാണെന്ന് പറയുവാന്‍ ബുദ്ധിമുട്ടാണ്
എല്ലാ മേഖലകളിലും മുന്നിട്ടു നില്‍ക്കുന്നവരെ നോക്കി അപ്പോഴത്തെ ആസ്വാദകര്‍ നെടുവീര്‍പ്പെടും;‘ഇവര്‍ക്ക് ശേഷം ആരാണ്?‘. എന്നാല്‍ കാലം എല്ലാ മേഖലകളിലെയും മിടുക്കരെ സംഭാവന ചെയ്തുക്കൊണ്ടിരിക്കുന്നു.
മലയാള സിനിമാ രംഗത്തെ ചൂടേറിയ ചര്‍ച്ച ചെയ്തുക്കൊണ്ടിരിക്കുന്ന ഒരു കാര്യമുണ്ട്!.മോഹന്‍ ലാലാണോ, മമ്മൂട്ടിയാണോ കേമനെന്ന്?. അഭിനയത്തിന് രണ്ട് വ്യത്യസ്ത രസതന്ത്രങ്ങള്‍ കാത്തുസൂക്ഷിക്കുന്ന നടന്‍‌മാരാണ് ഇവര്‍.
WEBDUNIA|
രണ്ട് പേരും മലയാള സിനിമയ്‌ക്ക് രണ്ട് ചരിത്രമാണ് നല്‍കിയത്. ഇതില്‍ ഏത് ചരിത്രമാണ് മികച്ചതെന്ന് ചോദ്യമുന്നയിക്കുന്നത് ഈ രണ്ട് മഹാ നടന്‍മാരോടും പ്രകടിപ്പിക്കുന്ന നീതികേടാണ്.
