വായനക്കാരന് ഇലയിട്ട് ആര്‍ത്തിയോടെ വിജ്ഞാനഭോജനത്തിനായിട്ട് ഇരിക്കുന്നു. എന്നാല്‍, വേവുകുറഞ്ഞതോ, വേവു കൂടിയതോ ആയ വിജ്ഞാന ഭക്ഷണമായിരിക്കും പലപ്പോഴും ലഭിക്കുക. പാകത്തിന് വെന്ത ഭക്ഷണം ലഭിക്കുമ്പോള്‍ ഉണ്ടാകുന്ന ആത്മനിര്‍വൃതി വാക്കുകള്‍ക്ക് അതീതമാണ്. എന്തായാലും കെ.എ.ബീനക്ക് അഭിമാനിക്കാം.
വായനക്കാരന് മികച്ച രീതിയില്‍ പാചകം ചെയ്ത വിജ്ഞാന ഭക്ഷണം നല്‍കിയതിന്. ബ്രഹ്‌മപുത്രയിലെ വീടെന്ന യാത്ര അനുഭവമെന്ന കൃതി നമ്മളെ വടക്കു-കിഴക്കന്‍ സംസ്ഥാനങ്ങളിലെ വിഷാദഭാവങ്ങളിലേക്ക് കൂട്ടികൊണ്ടു പോകുന്നു. ആഘോഷവും നര്‍മ്മവും എല്ലാം ഉണ്ടെങ്കിലും ഈ കൃതിയില്‍ സന്ധ്യയുടെ വിഷാദഭാവം നിറഞ്ഞു നില്‍ക്കുന്നു.
ബീന ഒരിക്കലും റിപ്പോര്‍ട്ടിംഗല്ല നടത്തുന്നത്. ഓരോ സംഭവങ്ങളിലും അവര്‍ കൂടി പങ്കാളിയാണ്- ബ്രഹ്‌മപുത്രയുടെ കോപ പ്രളയത്തില്‍, വിഘടനവാദികളുടെ അതിക്രമങ്ങളിള്‍ ഉണ്ടാകുന്ന വിഷമതകളില്‍. ഈ അനുഭവങ്ങള്‍ മനോഹരമായ ഭാഷയില്‍ പറഞ്ഞു തരുന്നു. ഒരു അമ്മക്ക് മാത്രം പറയുവാന്‍ കഴിയുന്ന ശൈലിയോടെ.
WD
WD
ബ്രഹ്മദേവന്‍റെ മകനാണ് ബ്രഹ്‌മപുത്ര. ഈ നദിയുമായി വടക്കു-കിഴക്കന്‍ സംസ്ഥാനങ്ങള്‍ക്ക് അഭേദ്യമായ ബന്ധമുണ്ട്. പ്രളയത്തിലൂടെ തങ്ങളെ ഒരു പാട് ബുദ്ധിമുട്ടിക്കുന്നുണ്ടെങ്കിലും വടക്കു കിഴക്കന്‍ സംസ്ഥാനങ്ങള്‍ ഒരിക്കലും ബ്രഹ്‌മപുത്രയെ വെറുക്കുന്നില്ല. ബ്രഹ്‌മപുത്രയുടെ വിവിധ ഭാവങ്ങള്‍ അവര്‍ ഒരേ മനസ്സോടെ ഏറ്റുവാങ്ങുന്നു-ഒരു മുത്തച്‌ഛന്‍ കാണിക്കുന്ന കുസൃതിയായി കരുതി!.
