“നമ്മുടെ കുഞ്ഞിനെ നീ കാരണം ഞാന്‍ നശിപ്പിച്ചു“ - ആത്മഹത്യാക്കുറിപ്പില്‍ ജിയാ ഖാന്‍
മുംബൈ|
WEBDUNIA|
WD
WD
ആത്മഹത്യ ചെയ്ത ബോളിവുഡ് നടി ജിയാഖാന്റെ ആറ് പേജുള്ള ആത്മഹത്യാക്കുറിപ്പ് വീട്ടില്‍ നിന്നും കണ്ടെടുത്തു. ജിയാഖാന്റെ അമ്മ റബിയഖാനാണ് ആത്മഹത്യാക്കുറിപ്പ് കണ്ടെടുത്തത്. കത്തില്‍ കാമുകനായ സൂരജ് പഞ്ചോലിയെക്കുറിച്ചാണ് മുഴുവനായും പരാമര്‍ശിച്ചിരിക്കുന്നത്. ആത്മഹത്യാക്കുറിപ്പ് വീട്ടുകാര്‍ പൊലീസിനു കൈമാറിയിട്ടുണ്ട്.
ജിയഖാന്റെ ആത്മഹത്യാക്കുറിപ്പിന്റെ വിശദാംശങ്ങളാണ് ചുവടെ ചേര്‍ത്തിരിക്കുന്നത്
“എനിക്ക് നിന്നോട് എന്ത് പറയണമെന്ന് അറിയില്ല, എനിക്ക് ശാരീരികവും മാനസികമായും എല്ലാം നഷ്ടപ്പെട്ടു, ഒരു പക്ഷേ നീ ഈ കത്ത് വായിക്കുമ്പോള്‍ ഞാന്‍ ഈ ലോകത്ത് ഉണ്ടാവില്ല, മനസ്സുകൊണ്ട് ഞാന്‍ മരിച്ചു.
നിനക്ക് ഒരുപക്ഷേ അറിയില്ലായിരിക്കാം നീ എന്നെ എത്രത്തോളം സ്വാധീനിച്ചിരുന്നെന്ന്, നിന്നെ സ്നേഹിച്ചപ്പോള്‍ എനിക്ക് എന്നെത്തന്നെയാണ് നഷ്ടപ്പെട്ടത്, അത്രത്തോളം ഞാന്‍ നിന്നെ സേഹിച്ചിരുന്നു.
ഇപ്പോള്‍ ഞാന്‍ രാവിലെ ഉണരുമ്പോള്‍ വെളിച്ചം കാണാന്‍ സാധിക്കുന്നില്ല, ഉണരണമെന്ന് ആഗ്രഹവുമില്ല, ഞാന്‍ നിന്നോടൊപ്പമുള്ള ജീവിതം സ്വപ്നം കണ്ടു, നിന്നോടൊപ്പമുള്ള ഭാവി മുന്നില്‍ക്കണ്ടു എന്നാല്‍ നീ ആ സ്വപ്നങ്ങളെല്ലാം തകര്‍ത്തെറിഞ്ഞു.
ഞാന്‍ ഇത്രയധികം വേറേ ആരെയും സ്നേഹിച്ചിട്ടില്ല, ആരെയും ഇത്രയും കൂടുതല്‍ പരിപാലനം ചെയ്തിട്ടില്ല. എന്നാല്‍ നീ എന്റെ ജീവിതത്തില്‍ ചതിയും കള്ളത്തരങ്ങളുമാണ് പുലര്‍ത്തിയിരുന്നത്. ഞാന്‍ നിനക്ക് എത്രമാത്രം സമ്മാനങ്ങള്‍ തന്നും, നിന്നെ എത്രമാത്രം സ്നേഹത്തോടെയാണ് നോക്കിയിരുന്നത്.
ഗര്‍ഭിണിയാകുമോ എന്നോര്‍ത്ത് ഞാന്‍ ഭയന്നിരുന്നു, എന്നാല്‍ എല്ലാം വേദനകളും മറന്ന് ഞാന്‍ നിനക്ക് മാത്രമായി വഴങ്ങിയിരുന്നു. നീ എന്നെ ഓരോ നിമിഷവും നശിപ്പിക്കുകയായിരുന്നു, ഇപ്പോള്‍ എനിക്ക് ആഹാരം ആവശ്യമില്ല, ഉറക്കമില്ല, പാര്‍ട്ടികളില്ല ഞാന്‍ എല്ലാത്തില്‍ നിന്നും അകന്നുപോയി.
അടുത്ത പേജില്‍- “ഞാന്‍ നിനക്ക് നല്‍കിയ സുഖവും സ്നേഹവും ലോകത്ത് മറ്റൊരു സ്ത്രീയും നല്‍കില്ല”
