പിന്നാമ്പുറങ്ങളിലേക്ക് ഒതുക്കപ്പെട്ടു പോയ ഒരു വലിയ സ്ത്രീ-പുരുഷ സമൂഹമുണ്ട്. അവരെ ശാക്തീകരിക്കാന്‍ വേണം ആദ്യം നടപടി ഉണ്ടാകാ‍ന്‍. മമത ബാനര്‍ജിയെപ്പോലുള്ള ഒരൊറ്റ വനിതാനേതാവ് ഒരു തുലാസില്‍ നിന്നാല്‍ പാര്‍ലമെന്‍റിലെ മുഴുവന്‍ വനിതാസാമാജികരും വേണ്ടി വരും അപ്പുറത്തെ തുലാസില്‍ അവരെ ബാലന്‍സ് ചെയ്യാന്‍. ഏതായാലും ബില്‍ പാസായി പുതിയ നിയമം പ്രാബല്യത്തില്‍ വന്നാല്‍ വസുന്ധര രാജ സിന്ധ്യയെപ്പോലുള്ള കുറേ റാണിമാര്‍ക്കും ജയപ്രദയെയും നഫീസ അലിയെയും പോലുള്ള കുറേ താരങ്ങള്‍ക്കും ഒരു എന്‍റര്‍ടെയിന്‍മെന്‍റായി. പണത്തിനു മേലെ പരുന്തും പറക്കുന്ന ഈ കാലത്തില്‍ കാലത്തിന്‍റെ കുത്തൊഴുക്കിനെ അതിജീവിക്കാന്‍ ഈ ബില്ലിനാകട്ടെ എന്നു നമുക്ക് ആശിക്കാം, സ്വപ്നം കാണാം.
