ഗണപതിയുടെ ഉണ്ണികുടവര്‍ എല്ലാ പ്രശ്നങ്ങളേയും ദഹിപ്പിക്കുന്ന ശക്തി മനുഷ്യനില്‍ തന്നെയുണ്ടെന്നുള്ളതിന്‍റെ സൂചനയാണത്രേ. മഹത്തായ ജീവിതത്തെ കുറിച്ചുള്ള സൂചനയായി ആനത്തലയെ കാണുന്നു. ഇത്രയും മഹത്തായതാണ്‌ ജീവിതമെങ്കിലും മനസ്‌ എല്ലായ്‌പോഴും ചഞ്ചലമാണെന്ന്‌ എലിയാകുന്ന വാഹനത്തിലൂടെ സൂചിപ്പിക്കുന്നു.
ദാമ്പത്തിക സൗഖ്യം ലഭിക്കുന്നതിനുള്ള ഏറ്റവും നല്ല വഴിപാടായി കരുതുന്നത്‌ ഗണപതി ഹോമമാണ്‌. ദമ്പതികളെ ഒരുമിപ്പിക്കാനും കുടുംബജീവിതം പുനരാരംഭിക്കാനും ഗണപതിക്കുള്ള ഹോമം ഉപകരിക്കും എന്നാണ്‌ കരുതുന്നത്‌.
ഉണങ്ങിയ കൊട്ടത്തേങ്ങ, ശര്‍ക്കര, കദളിപ്പഴം, നാഴിത്തേന്‍, നെയ്യ് തുടങ്ങിയ മഹാഗണപതിയെ ധ്യാനിച്ച അഗ്നിയില്‍ ഹോമിക്കുന്ന ചടങ്ങാണ്‌ ഗണപതി ഹോമം.
WEBDUNIA|
വിഘ്‌നനിവാരണത്തിനും ഗൃഹപ്രവേശനത്തിനും കച്ചവടാരംഭത്തിനും എല്ലാം ഗണപതി ഹോമം ഒഴിച്ചൂകൂടാനാകാത്ത കര്‍മ്മമായി മാറിയിട്ടുണ്ട്‌. ഉദ്ദിഷ്ടകാര്യങ്ങള്‍ക്കായി പ്രത്യേക ദൃവ്യങ്ങള്‍ ഉപയോഗിച്ചും ഹോമം നടത്താറുണ്ട്‌.
