നാടക സിനിമാ നടനായ കെ എൽ അന്റണി ഇന്നലെ വൈകിട്ട് അന്തരിച്ചു. ഹൃദയാഘാതത്തെ തുടർന്ന് കൊച്ചിയിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ദിലീഷ് പോത്തൻ സംവിധാനം ചെയ്ത മഹേഷിന്റെ പ്രതികാരം എന്ന ചിത്രത്തിലെ മഹേഷിന്റെ ചാച്ചനെ ആരും മറന്നുകാണില്ല.

ആന്റണിയുടെ അപ്രതീക്ഷിത വിയോഗത്തില്‍ ദു:ഖം രേഖപ്പെടുത്തി വികാരഭരിതമായ കുറിപ്പ് പങ്കുവച്ചിരിക്കുകയാണ് ഫഹദ് ഫാസിൽ. ‘'ചില കാരണങ്ങളാല്‍ ഇത് വളരെ പെട്ടെന്ന് ആയി പോയെന്ന് എനിക്ക് തോന്നുന്നു. താങ്കളെ അറിഞ്ഞതും കണ്ടതും മനോഹരമായ ഓർമകളാണ്. നമുക്ക് അവിടെവച്ച് വീണ്ടും കണ്ടുമുട്ടാം, ഇപ്പോള്‍ വിട പറയുന്നു‘- .ഫഹദ് കുറിച്ചു.

നിരവധി പുസതകങ്ങളും കെ എൽ ആന്റണി രചിച്ചിട്ടുണ്ട്. സ്വന്തം നാടക സമിതിയിൽ അഭിനയിക്കാനെത്തിയ ലീനയെയാണ് ആന്റണി ജിവിത സഖിയാക്കിയത്. മഹേഷിന്റെ പ്രതികാരം എന്ന ചിത്രത്തിലെ വിൻസന്റ് ഭാവന എന്ന കഥാപാത്രത്തിലൂടെയാണ് ആന്റണി മലയാള സിനിമാ അഭിനയ രംഗത്തേക്ക് കടന്നുവരുന്നത്, പിന്നീട് മുന്തിരിവള്ളികൾ തളിർക്കുമ്പോൾ, ആകാശ മിഠായി എന്നി ചിത്രങ്ങളിലും അഭിനയിച്ചു.