അനുബന്ധ വാര്ത്തകള്
- അനുവാദം ചോദിച്ചിട്ട് ഫോട്ടോ എടുത്തോളു, ഇല്ലെങ്കിൽ എട്ടിന്റെ പണികിട്ടും !
- 'പതുക്കെ പോകാൻ ആവശ്യപ്പെട്ടു, ശ്രീറാം കേട്ടില്ല‘; വഫയുടെ രഹസ്യമൊഴി ഇങ്ങനെ
- ‘ശ്രീറാം കാറോടിച്ചത് മദ്യപിച്ച്, വാഹനം അമിതവേഗത്തിലായിരുന്നു’; വഫയുടെ രഹസ്യമൊഴി പുറത്ത്
- ഇന്ത്യയുടെ നടപടി നിയമവിരുദ്ധം, ഇമ്രാൻ ഖാൻ അടിയന്തര യോഗം വിളിച്ചു, പാകിസ്ഥാൻ യുഎന്നിനെ സമീപിച്ചേക്കും
- അംഗീകരിക്കാൻ സാധിക്കില്ലെന്ന് പാകിസ്ഥാൻ, ഇന്ത്യയുടെ ആഭ്യന്തര വിഷയങ്ങളിൽ പകിസ്ഥാന് എന്ത് കാര്യം ?
കഴുത്തിൽ കയർ കുടുങ്ങി പിടഞ്ഞ് അഞ്ചുവയസുകാരൻ, രക്ഷയായത് സഹോദരിയുടെ മനഃസാന്നിധ്യം, വീഡിയോ !
ലിഫ്റ്റിനുള്ളിൽ കഴുത്തിൽ കയർ കുടുങ്ങി അപകടത്തിൽപ്പെട്ട അഞ്ച് വയസുകാരനെ രക്ഷപ്പെടുത്തി സഹോദരി. തുർക്കിയിലെ ഇസ്താംബുളിലാണ് സംഭവം ഉണ്ടായത്. അഞ്ച് വയസുകാരന്റെ കൈവഷം ഉണ്ടായിരുന്ന കയർ ലിഫ്റ്റിന്റെ വാതിൽ അടഞ്ഞതോടെ കഴുത്തിൽ കുടുങ്ങുകയായിരുന്നു.
അഞ്ച് വയസുകാരനും സഹോദരിയും മറ്റൊരു കുട്ടിയോടൊപ്പം കളിക്കാൻ പോകുന്നതിനിടെയായിരുന്നു അപകടം കുട്ടി കളിക്കാനായി കയ്യിൽ കരുതിയിരുന്ന കയർ ലിഫിറ്റിന്റെ വാതിൽ അടഞ്ഞതോടെ പകുതിയോളം വാതിലിനു പുറത്തായി ഇതൊടേ കയർ കുട്ടിയുടെ കഴുത്തിൽ കുരുങ്ങി മുറുകുകയായിരുന്നു.
ഉടൻ തന്നെ സഹോദരി ലിഫ്റ്റിലെ അപായ ബട്ടൺ പ്രസ് ചെയ്ത് ലിഫ്റ്റ് നിർത്തി. ശ്വാസം കിട്ടാതെ പിടയുകയായിരുന്ന സഹോദരന്റെ കഴുത്തിൽനിന്നും കയർ വേർപ്പെടുത്തി. കഴുത്തിന് പരിക്കേറ്റെങ്കിലും കുട്ടി രക്ഷപ്പെട്ടു. അതിവേഗത്തിൽ പെൺകുട്ടി ലിഫ്റ്റ് നിർത്തിയില്ലായിരുന്നു എങ്കിൽ ദാരുണമായ അപകടം ഉണ്ടാകുമായിരുന്നു.
ലിഫ്റ്റിലെ സിസിടിവി ദൃശ്യങ്ങൾ ഇപ്പോൾ സാമൂഹ്യ മാധ്യമങ്ങളിലൂടെ പ്രചരിക്കുന്നുണ്ട്. നിരവധിപേരാണ് പെൺകുട്ടിയുടെ മനഃസാനിധ്യത്തെ അഭിനന്ദിച്ച് രംഗത്തെത്തിയിരിക്കുന്നത്. പെൺകുട്ടിയുടെ ധൈര്യത്തെ സമ്മതിക്കുന്നു എന്നാണ് പലരും സാമൂഹ്യ മാധ്യമങ്ങളിൽ കമന്റ് ചെയ്തത്.
