ബസ് യാത്രക്കിടയില്‍ യുവതി പ്രസവിച്ചു. ബാംഗ്ലൂരില്‍ നിന്ന് ചിക്കമംഗളൂരുവിലേക്കുള്ള യാത്രയ്ക്കിടെയാണ് 22 കാരിനായ ഫാത്തിമ പ്രസവിച്ചത്. ബസ്സിലെ യാത്ര തുടരുകേ പ്രസവവേദന ആരംഭിച്ചു. യാത്രക്കാരും ബസ് ജീവനക്കാരും എന്ത് ചെയ്യണമെന്ന് അറിയാതെ നിന്ന നിമിഷം ആയിരുന്നു അത്. പിന്നൊന്നും ആലോചിക്കാതെ വനിത ബസ് കണ്ടക്ടര്‍ മുന്നിട്ടിറങ്ങി. ആദ്യം ഡ്രൈവറിനോട് ബസ് നിര്‍ത്താന്‍ ആവശ്യപ്പെട്ടു.

ബസ്സിലുള്ള പുരുഷ യാത്രക്കാരോട് പുറത്തേക്ക് ഇറങ്ങി നില്‍ക്കാന്‍ കണ്ടക്ടര്‍ നിര്‍ദ്ദേശിച്ചു. വനിതാ കണ്ടക്ടറുടെ സഹായത്തോടെ ഫാത്തിമ പെണ്‍കുഞ്ഞിന് ജന്മം നല്‍കി. ഈ സമയത്തിനുള്ളില്‍ ബസ് ഡ്രൈവര്‍ ആംബുലന്‍സിനെ വിളിച്ചിരുന്നു. ആംബുലന്‍സ് എത്തുമ്പോഴേക്കും ഫാത്തിമ പ്രസവിച്ചിരുന്നു. തുടര്‍ന്ന് ഫാത്തിമയെയും കുഞ്ഞിനെയും ആശുപത്രിയിലേക്ക് മാറ്റി. കണ്ടക്ടറായ വസന്തമ്മയുടെ സമയോചിതമായ ഇടപെടലിനെ പ്രശംസിച്ച് കര്‍ണാടക സ്റ്റേറ്റ് റോഡ് ട്രാന്‍സ്‌പോര്‍ട്ട് എംഡിയും എത്തി.