ഐബിഎം കേരളത്തിലേക്ക്, ഡെവലപ്പ്മെന്റ് സെന്ററിലേക്കുള്ള റിക്രൂട്ട്മെന്റ് ആരംഭിച്ചു
ടെക് രംഗത്തെ ഭീമന്മാരായ ഐബിഎം കേരളത്തിലെത്തുന്നു. കേരളത്തിൽ എവിടെയായിരിക്കും ഓഫീസ് എന്നതിനെ സംബന്ധിച്ച് ഐബിഎം അറിയിച്ചിട്ടില്ല.
കഴിഞ്ഞ ഒന്നരവർഷകാലമായി ഐബിഎം കേരളത്തിൽ എത്തുമെന്ന തരത്തിൽ വാർത്തകളുണ്ടായിരുന്നു. തിരുവനന്തപുരത്തെ ക്യാമ്പസിനായി കമ്പനി പരിഗണിച്ചതായി റിപ്പോർട്ടുകൾ ഉണ്ടായിരുന്നു. കൊച്ചിയിലായിരിക്കും ക്യാമ്പസ് എന്നാണ് ഇപ്പോൾ പുറത്തുവരുന്ന വിവരം.
അതേസമയം പുതുതായി ആരംഭിക്കാൻ പോകുന്ന ഡെവലപ്പ്മെന്റ് സെന്റിലേക്ക് കമ്പനി റിക്രൂട്ട്മെന്റ് നടപടികൾക്ക് തുടക്കം കുറിച്ചു. ലിങ്ക്ഡ് ഇൻ വഴിയും ഐബിഎം വെബ്സൈറ്റ് വഴിയുമാണ് അപേക്ഷ ക്ഷണിച്ചിരിക്കുന്നത്. കൊവിഡ് രണ്ടാം തരംഗ ഭീതി തുടരുന്നതിനാൽ വർക്ക് ഫ്രം ഹോം രീതിയിലായിരിക്കും കമ്പനിയുടെ പ്രവർത്തനം.
