അനുബന്ധ വാര്ത്തകള്
- സ്വര്ണവിലയില് ഉണ്ടായത് ചരിത്രത്തിലെ ഏറ്റവും വലിയ ഒറ്റ ദിവസത്തെ വര്ധനവ്; പവന് കൂടിയത് 2160രൂപ!
- Gold Rate: കുറഞ്ഞത് കുതിച്ചുയരാൻ വേണ്ടി; ഒറ്റയടിക്ക് പവന് കൂടിയത് 2000 രൂപ, വിപണിയെ വിറപ്പിച്ച് സ്വർണം
- ഗുരുവായൂരപ്പന് വഴിപാടായി സ്വര്ണകിരീടം സമര്പ്പിച്ച് തമിഴ്നാട് സ്വദേശി; കിരീടത്തിന് 36 പവന്റെ തൂക്കം
- സംസ്ഥാനത്ത് സ്വര്ണ്ണവില വീണ്ടും കുതിക്കുന്നു; തുടര്ച്ചയായ നാലുദിവസം കൊണ്ട് കുറഞ്ഞത് 2680 രൂപ
- വീട്ടമ്മയുടെ ഏഴേമുക്കാല് പവന്റെ സ്വര്ണ്ണം മോഷണം പോയി: പോലീസ് പിടിച്ച കള്ളനെ കണ്ട് വീട്ടമ്മയും ഞെട്ടി
തൊട്ടാൽ പൊള്ളും, എഴുപതിനായിരം കടന്ന് സ്വർണവില; പവന് എക്കാലത്തെയും ഉയർന്ന വില
പവന് 200 രൂപ കൂടി 70,160 രൂപയായി.
വിപണിയിലെ എക്കാലത്തെയും ഉയർന്ന വിലയിൽ സ്വർണം. എഴുപതിനായിരം കടന്നു. പവന് 200 രൂപ കൂടി 70,160 രൂപയായി. എക്കാലത്തെയും ഉയർന്ന വിലയാണ് ഇന്ന് രേഖപ്പെടുത്തിയത്. അതേസമയം 25 രൂപയാണ് ഇന്ന് ഗ്രാമിന് കൂടിയത്. അതേസമയം പവന് 1,480 രൂപ കൂടി 69,960 രൂപയായായിരുന്നു ഇന്നലത്തെ സ്വർണവില. സർവകാല റെക്കോർഡ് ആണിത്.
രാജ്യാന്തര വിപണിയില് സ്വര്ണവിലയില് വന് വര്ധനവ് പ്രകടമാണ്. ഇതിന്റെ പ്രതിഫലനമാണ് കേരളത്തിലും കാണുന്നത്. വരും ദിവസങ്ങളിലും സ്വര്ണവില കൂടാനാണ് സാധ്യത. കഴിഞ്ഞ നാല് ദിവസങ്ങളിലായി കുറഞ്ഞുകൊണ്ടിരുന്ന വില ഇന്ന് ഒറ്റയടിക്ക് വർധിച്ചത് സാധാരണക്കാർക്ക് നെഞ്ചിടിപ്പ് ഉണ്ടാക്കി. കഴിഞ്ഞ ദിവസം സ്വര്ണം വാങ്ങുകയോ അഡ്വാന്സ് ബുക്കിങ് ചെയ്യുകയോ ചെയ്തവര്ക്ക് ഇന്ന് വലിയ നേട്ടമാകും. മൂന്ന് ദിവസം മുമ്പ് വാങ്ങി ഇന്ന് വില്ക്കുന്നവര്ക്കും ലാഭം കൊയ്യാം.
ചരിത്രത്തില് ആദ്യമായിട്ടാണ് സ്വര്ണവില ഒരു ദിവസം 100 ഡോളറില് അധികം വര്ധിക്കുന്നത്. അമേരിക്കന് പ്രസിഡന്റ് തുടക്കമിട്ട ചുങ്കപ്പോരാണ് സ്വര്ണത്തിലേക്ക് കൂടുതല് പേര് ആകര്ഷിക്കപ്പെടാന് കാരണം. സ്വര്ണവിലയ്ക്ക് പുറമെ വെള്ളിയുടെ വിലയും കേരളത്തില് വര്ധിച്ചിട്ടുണ്ട്. ചൈന സ്വര്ണത്തിന്റെയും വെള്ളിയുടെയും കയറ്റുമതി നിയന്ത്രിച്ചതും വിപണിയെ ആശങ്കയിലാക്കി. വെള്ളിയുടെ ഗ്രാം വില 105 രൂപയായി വര്ധിച്ചു.
