പരിശീലകനും മാനേജറുമായ ഫെര്‍ഗൂസനു പിന്നാലെ മാഞ്ചസ്റ്റര് യുണൈറ്റഡിന്റെ വിശ്വസ്തനായ മുതിര്‍ന്ന മധ്യനിരതാരം പോള്‍ സ്കോള്‍സും ടീമില്‍നിന്നും വിരമിച്ചു.
സ്വാന്‍സീ സിറ്റിക്കെതിരായ മത്സരത്തോടെയാണ്‌ 38കാരനായ സ്കോള്സ് വിരമിച്ചത്‌. സീസണിലെ അവസാന ഹോം മത്സരത്തില്‍ യുണൈറ്റഡ് 2-1 ന്‌ സ്വാന്‍സീ സിറ്റിയെ കീഴടക്കി.
സ്കോള്സ് ഇത്‌ രണ്ടാം തവണയാണ്‌ വിരമിക്കുന്നത്‌. ആദ്യം 2011ല്‍ വിരമിച്ച്‌ യുണൈറ്റഡിന്റെ പരിശീലകസംഘത്തിലെ അംഗമായി. ടീമിലേക്കു വീണ്ടും തിരിച്ചെത്തി.
ഫുട്ബോള്‍ കളിക്കുന്നതില്‍ താന്‍ എന്നും ഇഷ്ടപ്പെടുന്നുവെന്നും അലക്സ്‌ ഫെര്‍ഗുസനെപ്പോലെ പ്രശസ്തനായ ഒരു പരിശീലകന്റെ കീഴില്‍ കളിക്കാന്‍ കഴിഞ്ഞതില്‍ താന്‍ അഭിമാനിക്കുന്നുവെന്നും സ്കോള്സ് പറഞ്ഞു.
