സൂപ്പര്‍താരം നെയ്മറിന് പകരക്കാരനാവാന്‍ എത്തിയിരിക്കുകയാണ് നീല്ട്ടന് എന്ന പത്തൊമ്പതുകാരന്‍. രൂപത്തിലും കളി മികവിലും നീല്ട്ടന് നെയ്മറിനോട് അപാരമായ സാദൃശ്യമാണ്. സാന്റോസില്‍ നിന്ന് ബാഴ്‌സയിലേക്ക് നെയ്മര് കൂടൂമാറിയത്തിന്റെ സങ്കടം ആരാധകര്‍ തീര്‍ത്തത് നീല്‍ട്ടന്റെ കളികണ്ടാണ്.
കളിക്കളത്തില്‍ നെയ്മറെ വ്യത്യസ്തനാക്കുന്നത് വേഗതയ്‌ക്കൊത്ത് ശരീരത്തെ വരുതിയില്‍ നിര്‍ത്താനുള്ള കഴിവാണ്. നീല്‍ട്ടനും ശരീരത്തെ വരുതിയില്‍ നിര്‍ത്തുന്നതില്‍ അഗ്രഗണ്യനാണ്. കൂടാതെ വേഗം, ഡ്രിബിളിങ് സ്‌കോറിങ് തുടങ്ങിയവയില്‍ മറ്റൊരു നെയ്മര് തന്നെയാണ് നീല്‍ട്ടണ്‍.
ഏത് പ്രതിരോധത്തെയും തുളച്ച് കയറാനും ഏത് ആങ്കിളില്‍ നിന്നും ഷോട്ടുതിര്‍ക്കാനും നെയ്മറെ പോലെ സെന്‍ട്രല്‍ സ്‌ട്രൈക്കറായും വിങ്ങറായും കളിക്കാനും നീല്ട്ടന് സാധിക്കുന്നുണ്ട്. നീല്ട്ടന് സാന്റോസിന് വേണ്ടി ഇതുവരെ ആറു മത്സങ്ങളില്‍ നിന്നും മൂന്നു ഗോളുകള്‍ നേടിയിട്ടുണ്ട്.
