ഗ്രൌണ്ടില് പോര്ച്ചുഗല് അത്ഭുതമായി. ഉത്തരകൊറിയയുടെ ഗോള്മുഖത്തേക്ക് പോര്ച്ചുഗല് പോരാളികള് ഏഴുതവണയാണ് നിറയൊഴിച്ചത്. ഒരു ഗോള് പോലും മടക്കാനാവാതെ, നിസഹായരായി കൊറിയ കളം വിട്ടു. കളി പൂര്ണമായും പോര്ച്ചുഗലിന്റെ നിയന്ത്രണത്തിലായിരുന്നു. കൃത്യമായ ഇടവേളകളില് അവര് ഗോള് നേടിക്കൊണ്ടിരുന്നു.
ഇരുപത്തെട്ടാം മിനിറ്റിലായിരുന്നു പോര്ച്ചുഗലിന്റെ ആദ്യഗോള്. റൌള് മെരിലസാണ് ഉത്തര കൊറിയയുടെ വലയിലേക്ക് ഗോള് അടിച്ചുകയറ്റിയത്. പിന്നീട്, ആദ്യ പകുതിക്ക് ശേഷം പോര്ച്ചുഗലിന്റെ വക ഗോള് മഴയായിരുന്നു.
തികച്ചും ഏകപക്ഷീയമായ ഈ കളി ഉത്തര കൊറിയയുടെ ആത്മവിശ്വാസം തകര്ക്കുമെന്നുറപ്പാണ്. ബ്രസീലിനെതിരെ മികച്ച മത്സരം കാഴ്ചവച്ചതിന്റെ പോരാട്ടവീര്യവുമായാണ് കൊറിയ പോര്ച്ചുഗലിനെ നേരിടാനെത്തിയത്. എന്നാല് ആദ്യപകുതിയിലെ ചില മുന്നേറ്റങ്ങള്ക്കു ശേഷം അവര് ഗോള്വര്ഷത്തില് കുളിക്കുകയായിരുന്നു.