അനുബന്ധ വാര്ത്തകള്
- എരുമേലി കാനനപാത വഴി ഇന്നുമുതല് ഭക്തര്ക്ക് പ്രവേശനം
- അനിയന്ത്രിതമാകുന്ന ഹോട്ടലുകളിലെ ഭക്ഷണ വിലയില് നിയന്ത്രണം ഏര്പ്പെടുത്തുമെന്ന് മന്ത്രി ജിആര് അനില്
- ന്യൂ ഇയര് ആഘോഷങ്ങള് രാത്രി പത്തുമണിക്കുശേഷം പാടില്ല; തിയേറ്ററുകളിലെ സെക്കന്റ് ഷോക്കും വിലക്ക്
- അഞ്ചുവര്ഷത്തിനിടെ മദ്യ നികുതിയിലൂടെ സര്ക്കാരിന് ലഭിച്ചത് 46,546 കോടി രൂപ!
- പുതുവര്ഷം: ഇന്ന് രാത്രി കര്ശന പൊലീസ് പരിശോധന, അനാവശ്യമായി പുറത്തിറങ്ങിയാല് പിടിവീഴും
മകരവിളക്ക്: കാനനപാതയില് വനംവകുപ്പ് ഒരുക്കിയിരിക്കുന്ന സൗകര്യങ്ങള് ഇവയൊക്കെ
കാനനപാതയില് യാത്രാ സമയത്തിന് നിയന്ത്രണമുണ്ട്. എരുമേലി കോഴിക്കാല്ക്കടവില്നിന്നും 5.30 മാ നും 10.30 മാ നും ഇടയിലേ കാനന പാതയിലേക്ക് തീര്ത്ഥാടകര്ക്ക് പ്രവേശനം അനുവദിക്കുകയുള്ളൂ. അഴുതക്കടവിലും മുക്കുഴിയിലും രാവിലെ 7 മുതല് ഉച്ചയ്ക്ക് 12 മണി വരെയാണ് പ്രവേശനം നല്കുക. ഈ മേഖലകളില് ആവശ്യമായ രേഖകളുടെ പരിശോധനയും ഉണ്ടാകും. തീര്ത്ഥാടകര്ക്ക് കൂട്ടായും ഒറ്റയ്ക്കും വരാമെങ്കിലും ബാച്ചുകളായി മാത്രമേ കാനന പാതയിലൂടെ സന്നിധാനത്തേക്ക് പോകാന് അനുവദിക്കൂ. വൈകിട്ട് അഞ്ചിന് ശേഷം കാനന പാതയിലൂടെ സഞ്ചാരം അനുവദിക്കില്ല.
വലിയാനവട്ടം, കരിമല, കല്ലിടാംകുന്ന് എന്നിവിടങ്ങളില് തീര്ത്ഥാടകര്ക്ക് വിരി വയ്ക്കാന് സൗകര്യമാരുക്കിയിട്ടുണ്ട്. വനം വകുപ്പിന്റെ എട്ട് ഇടത്താവളങ്ങളില് കടകളും ലഘുഭക്ഷണശാലകളും ഒരുക്കിയിട്ടുണ്ട്. മുക്കുഴിയിലും കരിമലയിലും ആശുപത്രി സംവിധാനം ഒരുക്കിയിട്ടുണ്ട്. മാമ്പാടി, കല്ലിടാംകുന്ന്, കരിയിലാംതോട്, മഞ്ഞപ്പൊടിത്തട്ട് എന്നിവിടങ്ങളില് ഓരോ എമര്ജന്സി മെഡിക്കല് കെയര് സെന്ററുകള് പ്രവര്ത്തിക്കും. പ്രവേശന സമയം കഴിഞ്ഞെത്തുന്ന അയ്യപ്പഭക്തന്മാരെ കാനനപാതയിലൂടെ കടത്തിവിടുകയില്ല. ജനുവരി 11ന് ചരിത്രപ്രസിദ്ധമായ എരുമേലി പേട്ട നടക്കും.ജനുവരി 12 ന് പന്തളം ക്ഷേത്രത്തില് നിന്ന് തിരുവാഭരണ ഘോഷയാത്ര പുറപ്പെടും. 14 ന് ആണ് മകരജ്യോതി ദര്ശനവും മകരവിളക്കും..
