അനുബന്ധ വാര്ത്തകള്
- ഏകദിന, ട്വന്റി 20 ക്രിക്കറ്റില് നിന്ന് വിരമിക്കാന് കോലി ആലോചിക്കുന്നു; അടുത്ത ലോകകപ്പ് കളിച്ചേക്കില്ല !
- ലഖ്നൗ നായകനായി രാഹുലെത്തും, സ്റ്റോയ്നിസും ബിഷ്നോയിയും ടീമിൽ
- ട്രാക്ക് മാറി കോലി, ക്യാപ്റ്റൻ രാഹുലിനെ കാതോർക്കുന്ന താരത്തിന്റെ ചിത്രം വൈറൽ
- 'എന്റെ സൂപ്പര്ഹീറോ...നിങ്ങള് എല്ലായ്പ്പോഴും ക്യാപ്റ്റന് കിങ്'; വൈകാരികം സിറാജിന്റെ വാക്കുകള്
- മൂന്നാം ടെസ്റ്റിനു ശേഷം ഡ്രസിങ് റൂമില്വെച്ച് താരങ്ങളോട് യാത്ര പറഞ്ഞ് കോലി; പ്രിയ നായകനെ കെട്ടിപിടിച്ച് സഹതാരങ്ങള്
കഴിഞ്ഞ ഏതാനും ദിവസങ്ങളില് ചിലതെല്ലാം സംഭവിച്ചു, ടീം അംഗങ്ങള് വികാരഭരിതരാണ്; കോലിയുടെ രാജി പരാമര്ശിച്ച് രാഹുല്
ദക്ഷിണാഫ്രിക്കയ്ക്കെതിരായ ഏകദിന പരമ്പരയിലെ ആദ്യ മത്സരത്തില് ടോസിനായി എത്തിയ ഇന്ത്യന് നായകന് കെ.എല്.രാഹുല് പ്രതികരിച്ചത് വൈകാരികമായി. ടെസ്റ്റ് പരമ്പരയ്ക്ക് ശേഷമുള്ള ദിവസങ്ങളില് ചില കാര്യങ്ങളെല്ലാം സംഭവിച്ചെന്നും അത് ടീം അംഗങ്ങളെ വികാരഭരിതരാക്കിയെന്നും രാഹുല് പറഞ്ഞു. വിരാട് കോലി ടെസ്റ്റ് നായക സ്ഥാനവും രാജിവച്ച സാഹചര്യത്തിലാണ് രാഹുലിന്റെ പ്രതികരണം.
' ടെസ്റ്റ് പരമ്പരയ്ക്ക് ശേഷമുള്ള കഴിഞ്ഞ ഏതാനും ദിവസങ്ങളിലായി ചിലതെല്ലാം സംഭവിച്ചു. ടീമിനെ സംബന്ധിച്ചിടുത്തോളം അതെല്ലാം വളരെ വൈകാരികമാണ്. ഞങ്ങളില് പലരും വിരാടിന് കീഴിലാണ് അരങ്ങേറിയത്. തീര്ച്ചയായും അദ്ദേഹം ഇപ്പോഴും ഞങ്ങള്ക്കൊപ്പമുണ്ട്. കോലി ടീമിന്റെ അവിഭാജ്യ ഘടകമാണ്,' രാഹുല് പറഞ്ഞു.
രോഹിത് ശര്മയുടെ അഭാവത്തില് ഉപനായകന് കെ.എല്.രാഹുലാണ് ദക്ഷിണാഫ്രിക്കയ്ക്കെതിരായ ഏകദിന പരമ്പരയില് ഇന്ത്യയെ നയിക്കുന്നത്.
