മഹാരാഷ്ട്രയിലെ അമരാവതിയിലുണ്ടായ വാഹനാപകടത്തില്‍ ആറു പോലീസുകാര്‍ മരിച്ചു. മൂന്ന് പേര്‍ക്ക് പരിക്കേറ്റു. ബുധനാഴ്ച വെളുപ്പിന് അഞ്ചര മണിക്ക് ഇവര്‍ സഞ്ചരിച്ച ജീപ്പ് വാഷിം- അമരാവതി റോഡില്‍ ഒരു മരത്തില്‍ ഇടിക്കുകയായിരുന്നു. അമരാവതി ആന്റി കറപ്ഷന് ബ്യൂറോയിലെ അംഗങ്ങളാണ് മരിച്ചവര്‍ .
രണ്ട് ഇന്‍സ്പക്ടര്‍മാരും നാല് കോണ്‍സ്റ്റബിള്‍മാരുമാണ് മരിച്ചത്. ഒരു അഴിമതിക്കേസിലെ പ്രതിയെ കുടുക്കാനായി പോയി മടങ്ങുമ്പോഴായിരുന്നു അപകടം. ഡ്രൈവര്‍ ഉറങ്ങിപ്പോയതാവാം അപകടകാരണമെന്നാണ് കരുതുന്നത്.
