ബൈക്ക് യാത്രികന് മുന്നില്‍ കൈകൂപ്പി നമിച്ചുനില്‍ക്കുന്ന പൊലീസ് ഉദ്യോഗസ്ഥന്റെ ഫോട്ടോ സമൂഹ മാധ്യമങ്ങളില്‍ വൈറലാകുന്നു. ട്രാഫിക് നിയമങ്ങളെല്ലാം കാറ്റില്‍ പറത്തി അഞ്ച് പേരേയും വഹിച്ച് യാത്ര ചെയ്യുന്ന ബൈക്ക് യാത്രികന് മുന്നിലാണ് പൊലീസ് കൈകൂപ്പി നില്‍ക്കുന്നത്.

ആന്ധ്രപ്രദേശിലെ അനന്തപുരി റോഡിലാണ് ഇത്തരത്തില്‍ ഒരു സംഭവം നടന്നത്. ട്രാഫിക് ലംഘനം ശ്രദ്ധയില്‍പ്പെട്ട പൊലീസുകാരന്‍ ബൈക്കിലെ അംഗസംഖ്യ കണ്ട് ഞെട്ടുകയായിരുന്നു. റോഡ് സുരക്ഷാ ക്ലാസ് കഴിഞ്ഞുള്ള മടക്കത്തിലായിരുന്നു പൊലീസുകാരനായ ഐഐ ശുഭ്കുമാര്‍ ഈ കാഴ്ച കണ്ടത്.

ബൈക്ക് ഓടിച്ച ഹനുമന്തരയടു എന്ന ആളും ഈ റോഡ് സുരക്ഷാ ക്ലാസില്‍ ഉണ്ടായിരുന്നുവെന്നാണ് പുറത്തുവരുന്ന വിവരം. ബെക്കിന്റെ ടാങ്കിന് മുന്നില്‍ രണ്ട് കുട്ടികളെയും പുറകില്‍ ഭാര്യയെയും ബന്ധുവിനെയുമിരുത്തിയായിരുന്നു ഹെല്‍മെറ്റ് പോലും ധരിക്കാതെ ഹനുമന്തരയടു ബൈക്ക് ഓടിച്ചിരുന്നത്.