വോട്ടവകാശം വിനിയോഗിക്കണമെന്ന അറിയിപ്പുമായി ഡബ്ബ്സ്മാഷിലൂടെ ജനങ്ങ‌ൾക്കിടയി‌ലേക്ക് കടന്നു വന്ന തമിഴ് സൂപ്പർസ്റ്റാർ സൂര്യയാണ് ഇപ്പോൾ സോഷ്യൽ മീഡിയയിലെ താരം. നിയമസഭ പ്രചരണത്തിനു വരെ യുവജനങ്ങ‌ൾ ഡബ്ബ്സ്മാഷ് ഉപയോഗിക്കുന്നുവെന്നത് കൗതുകകരമായ സംഭവമാണ്.

വളരെ വ്യത്യസ്തവും സത്യസന്ധവുമായ രീതിയിലാണ് സൂര്യ ഡബ്ബ്സ്മാഷ് അവതരിപ്പിച്ചിരിക്കുന്നത്. അതും സ്റ്റൈൽ മന്നൻ രജനീകന്തിന്റെ തകർപ്പൻ ഡയലോഗിലൂടെ. തിരഞ്ഞെടുപ്പിൽ നിങ്ങ‌ൾ നൽകുന്ന ഓരോ വോട്ടും കൃത്യമായിരിക്കണമെന്നും വോട്ടിനുവേണ്ടിയുള്ള നിങ്ങ‌ളുടെ ശബ്ദം സത്യസന്ധമായിരിക്കണമെന്നും അദ്ദേഹം പറയുന്നുണ്ട്. വോട്ട് അസാധുവാക്കാതെ നല്ലതിനുവേണ്ടി വിനിയോഗിക്കണമെന്നും സൂര്യ പറയുന്നു.

താരങ്ങ‌ൾ തന്നെ മറ്റു താരങ്ങ‌ളുടെ ഡയലോഗ് പറഞ്ഞാൽ ആരാധകർക്കെങ്ങിനെ കേൾക്കാതിരിക്കാനാകും. തിരഞ്ഞെടുപ്പിനോടനുബന്ധിച്ച് സെലിബ്രിറ്റികൾ സോഷ്യ‌ൽ മീഡിയയിലൂടെ പ്രചരണത്തിനായി അഭിപ്രായങ്ങ‌ൾ അറിയിക്കാറുണ്ട്. ഇത്തവണത്തെ നിയമസഭാ തിരഞ്ഞെടുപ്പിൽ വോട്ടവകാശം വിനിയോഗിക്കണമെന്ന ആഹ്വാനവുമായി താരങ്ങ‌ൾ ഡബ്ബ്മാഷിലൂടെയാകും വരിക.

എല്ലാ മേഖലയിലുള്ളവരും ഒരുപോലെ ഇഷ്ടപെടുന്ന ഡബ്ബ്സ്മാഷ് ഒരു മീഡിയം ആയി മാറികൊണ്ടിരിക്കുകയാണ്. എന്തായാലും സൂര്യയുടെ ഡബ്ബ്സ്മാഷ് സോഷ്യൽ മീഡിയയിൽ ഇതിനോടകം വൈറലായി കഴിഞ്ഞു.