ഒത്തുകളിയുടെ ബോളിവുഡ് ബന്ധം പുറത്തുവരുന്നു; ധാരാസിംഗിന്റെ മകന്‍ അറസ്റ്റില്‍
മുംബൈ|
WEBDUNIA|
PRO
PRO
ഐപിഎല് ഒത്തുകളിയുടെ ബോളിവുഡ് ബന്ധം മറനീക്കി പുറത്തുവരുന്നു. മുന്‍ ഗുസ്തിതാരവും ബോളിവുഡ് നടനുമായിരുന്ന ധാരാസിംഗിന്റെ മകന്‍ വിന്ദു ധാരാസിംഗ് (49) മുംബൈയില്‍ അറസ്റ്റിലായതോടെയാണിത്‍. ഐപിഎല് ഒത്തുകളിയുമായി ബന്ധപ്പെട്ടാണ് അറസ്റ്റ്. മുംബൈ പൊലീസ് ആണ് അറസ്റ്റ് ചെയ്തത്.
തിങ്കളാഴ്ച രാത്രി പൊലീസ് വിന്ദുവിനെ ചോദ്യം ചെയ്തിരുന്നു. എന്നാല്‍ ചൊവ്വാഴ്ചയാണ് അറസ്റ്റ് രേഖപ്പെടുത്തിയത്. അറസ്റ്റിലായ വാതുവയ്പ്പുകാരന്‍ രമേഷ് വ്യാസ് വിന്ദുവിനെതിരെ മൊഴി നല്‍കി എന്നാണ് വിവരം. വാതുവയ്പുകാരുമായി വിന്ദു ബന്ധപ്പെട്ടുവെന്ന് രഹസ്യവിവരം ലഭിക്കുകയും ചെയ്തിരുന്നു.
വാതുവയ്പ്പില്‍ ബോളിവുഡിലെ ചിലര്‍ക്ക് ബന്ധമുണ്ടെന്ന് നേരത്തെ തന്നെ ആരോപണം ഉയര്‍ന്നിരുന്നു.
