അമിത്ഷായെ പോലുള്ളവര്‍ രാഷ്ട്രീയത്തില്‍ ഉള്ളത് ദൗര്‍ഭാഗ്യകരമാണ്: മുലായം സിംഗ് യാദവ്
ലഖ്‌നൗ|
WEBDUNIA|
PTI
അമിത്ഷായെ പോലുള്ളവര്‍ രാഷ്ട്രീയത്തില്‍ ഉള്ളത് ദൗര്‍ഭാഗ്യകരമാണെന്ന് സമാജ്‌വാദി പാര്ട്ടി നേതാവ് മുലായം സിംഗ് യാദവ്. ബിജെപി നേതാവും മുന്‍ കേന്ദ്രമന്ത്രിയുമായ അശോക് പ്രദാന്‍ സമാജ്‌വാദി പാര്‍ട്ടിയില്‍ അംഗമായതിനു ശേഷം സംസാരിക്കുകയായിരുന്നു മുലായം.
അമിത്ഷായെ പോലുള്ളവര്‍ അഴിക്കുള്ളില്‍ ആകാത്തത് ദൗര്‍ഭാഗ്യകരമാണ്. ഇത്തരക്കാര്‍ ഭിന്നത ഉണ്ടാക്കുന്ന പ്രസംഗങ്ങള്‍ നടത്തുന്നു. തങ്ങള്‍ ബിജെപിക്കെതിരെ പോരാടുമെന്നും അമിത്ഷായെ തകര്‍ക്കുമെന്നും മുലായം സിംഗ് യാദവ് പറഞ്ഞു.
ഉത്തര്‍പ്രദേശില്‍ ബിജെപിയുടെ തെരഞ്ഞെടുപ്പ് പ്രചാരണ പ്രവര്‍ത്തനങ്ങളുടെ ചുമതല അമിത് ഷായ്ക്കാണ്. 80 ലോക്‌സഭ മണ്ഡലങ്ങളാണ് ഉത്തര്‍പ്രദേശില്‍ ഉള്ളത്. മുസഫര്‍നഗറില്‍ നടത്തിയ വിവാദ പരാമര്‍ശങ്ങള്‍ക്ക് തെര. കമ്മീഷന്‍ അമിത് ഷായ്‌ക്കെതിരെ നോട്ടീസയച്ചിരുന്നു.
