ഇന്ത്യയിൽ നിന്നുള്ളവർക്ക് പത്ത് ദിവസത്തെ താത്‌കാലിക യാത്രാവിലക്ക് ഏർപ്പെടുത്തി യുഎഇ. ഈ മാസം 24 മുതലാണ് വിലക്ക് പ്രാബല്യത്തിലാകുക. ശനിയാഴ്ച മുതല്‍ 10 ദിവസത്തേക്കാണ് നിരോധനം ഏര്‍പ്പെടുത്തുന്നത്.

കഴിഞ്ഞ 14 ദിവസം ഇന്ത്യയില്‍ തങ്ങിയവര്‍ക്കും ഇതുവഴി ട്രാന്‍സിറ്റ് യാത്ര ചെയ്തവര്‍ക്കും യു.എ.ഇയിലേക്ക് പ്രവേശനം അനുവദിക്കില്ലെന്നാണ് വിവരം. കൊവിഡ് സാഹചര്യങ്ങൾ വിലയിരുത്തി തീരുമാനം പുനപരിശോധിക്കും. ഇന്ത്യയിൽ കൊവിഡ് വ്യാപനം ഉയർന്ന പശ്ചാത്തലത്തിലാണ് തീരുമാനം.