മാംഗ്ലൂര്‍|
Last Modified ബുധന്‍, 26 നവം‌ബര്‍ 2014 (09:55 IST)
ശാരീരികദൗര്‍ബല്യമുള്ള പെണ്‍കുട്ടിയെ പലതവണ ബലാത്സംഗത്തിനിരയാക്കിയ 50-കാരന് ജീവപര്യന്തം തടവും പിഴയും. കുപ്പേപ്പടവ് കെലിഞ്ചാര്‍ സ്വദേശി സുന്ദരയെയാണ് ജില്ലാ പ്രത്യേക കോടതി ശിക്ഷിച്ചത്.
2013-ലാണ് കേസിനാസ്പദമായ സംഭവം. ശാരീരികമായി ബലഹീനതയുള്ള പെണ്‍കുട്ടിയെ വീട്ടില്‍ ആരുമില്ലാത്ത സമയത്ത് ഭീഷണിപ്പെടുത്തി പീഡിപ്പിച്ചതായാണ് കേസ്.
പ്രതി ഒരു ഇളവും അര്‍ഹിക്കുന്നില്ലെന്ന് ജഡ്ജി എംജി ഉമ പറഞ്ഞു. കുട്ടികളെ ലൈംഗികമായി പീഡിപ്പിക്കുന്നതു തടയല്‍ നിയമപ്രകാരമാണ് ശിക്ഷവിധിച്ചത്. പിഴയടച്ചില്ലെങ്കില്‍ ഒരുവര്‍ഷംകൂടി തടവ് അനുഭവിക്കേണ്ടിവരും.
