ജാദവ്പൂരിൽനിന്നുമാണ് മിമി ചക്രബർത്തി വിജയിച്ചത് ബസിർഹട്ടിൽനിന്നും നുസ്രത്ത് ജഹാനും വിജയിച്ചു. ഒരു ലക്ഷത്തിൽ താഴെ മാത്രം ഭൂരിപക്ഷമുണ്ടായിരുന്ന മണ്ഡലങ്ങളിൽനിന്നും മൃഗീയ ഭൂരിപക്ഷത്തിലാണ് ഇരുവരും വിജയിച്ചത്. ബംഗാളി സിനിമാ താരങ്ങളായ ഇരുവരും സ്ഥാനാർത്ഥിത്വം പ്രഖ്യാപിച്ചതുമുതൽ. സോഷ്യൽ മീഡിയയിലൂടെയും നേരിട്ടും ലൈംഗിക അതിക്രമങ്ങൾ നേരിട്ടിരുന്നു.

വസ്ത്രമഴിച്ച് വോട്ട് ചോദിച്ചാൽ പോലും നിങ്ങൾക്ക് വോട്ടു നൽകില്ല എന്ന് വരെ സാഹൂഹ്യ മാധ്യമങ്ങളിൽ പലരും പറഞ്ഞു. സൽവാർ ധരിച്ച് പ്രചരണത്തിനെത്തിയ മിമി ചക്രബർത്തിയെ പ്രതിപക്ഷ പാർട്ടികൾ അതിക്ഷേപിച്ചിരുന്നു. ജീൻസ് ധരിച്ചെത്തി വോട്ട് ചോദിച്ചാണ് മിമി എതിർ കക്ഷികൾക്ക് മറുപടി നൽകിയത്.