കഴിഞ്ഞ 139 ദിവസമായി പുനെ ഫിലിം ഇന്‍സ്റ്റിറ്റ്യൂടില്‍ നടന്നുവന്ന പഠിപ്പുമുടക്ക് സമരം അവസാനിപ്പിച്ചു. അതേസമയം, സമാധാനപരമായ രീതിയില്‍ പ്രതിഷേധം തുടരുമെന്ന് വിദ്യാര്‍ത്ഥികള്‍ അറിയിച്ചു.

തങ്ങള്‍ ഇനി ക്ലാസുകളിലേക്ക് മടങ്ങുകയാണെന്നും ഇന്‍സ്റ്റിറ്റ്യൂട്ട് ചെയര്‍മാന്‍ നിയമനത്തില്‍ പരിഹാരം ഉണ്ടാവുന്നതു വരെ മന്ത്രാലയവുമായി സഹകരിക്കില്ലെന്നും പുനെയില്‍ സംഘടിപ്പിച്ച വാര്‍ത്ത സമ്മേളനത്തിലാണ് വിദ്യാര്‍ത്ഥികള്‍ വ്യക്തമാക്കി.

ഗജേന്ദ്ര ചൌഹാനെ ഇന്‍സ്റ്റിറ്റ്യൂട്ട് മേധാവി സ്ഥാനത്ത് നിന്നും മാറ്റുന്നത് അടക്കമുള്ള ആവശ്യങ്ങള്‍ ഉന്നയിച്ചാണ് വിദ്യാര്‍ത്ഥി സമരം. സമരം തുടങ്ങിയ ശേഷം വിദ്യാര്‍ത്ഥികളുമായി നിരവധി തവണ ചര്‍ച്ച നടത്തിയെങ്കിലും എല്ലാം പരാജയമായിരുന്നു. ഗജേന്ദ്ര ചൌഹാനെ മേധാവി സ്ഥാനത്തു നിന്ന് മാറ്റുന്നത് അല്ലാതെ ഒരു വിട്ടുവീഴ്ചയ്ക്കും തയ്യാറല്ലെന്നാണ് വിദ്യാര്‍ത്ഥികളുടെ നിലപാട്.