പഞ്ചാബിലെ അവസാനഘട്ട വോട്ടെണ്ണൽ പുരോഗമിക്കു‌മ്പോൾ ആകെയുള്ള 117 സീറ്റുകളിൽ 92 സീറ്റുകളിലും മുന്നേറ്റം നടത്തി ആം ആദ്‌മി പാർട്ടി. നിലവിലെ ഭരണകക്ഷിയായ കോൺഗ്രസിനെ വെറും 17 സീറ്റുകളിൽ ഒതുക്കികൊണ്ടാണ് ആം ആദ്‌മിയുടെ പഞ്ചാബിലെ മുന്നേറ്റം. ശിരോമണി അകാലിദൾ 2 സീറ്റുകളിലും ബിജെപി 3 സീറ്റുകളിലും മുന്നേറുകയാണ്.

92 സീറ്റുകളിലിൽ ഭൂരിപക്ഷം ഉറപ്പിച്ചതോടെ പഞ്ചാബിൽ ആം ആദ്‌മി മന്ത്രിസ‌ഭ രൂപം കൊള്ളുമെന്ന് ഉറപ്പായിരിക്കുകയാണ്. കൊമേഡിയനായി തുടങ്ങി രാഷ്ട്രീയത്തിലേക്കിറങ്ങിയ ഭാഗ്‌വന്ത് മൻ ആണ് പഞ്ചാബിൽ ആം ആദ്‌മിയുടെ മുഖ്യമന്ത്രി സ്ഥാനാർത്ഥി.