ജാര്‍ഖണ്ഡിലെ പലാമുവില്‍ സുരക്ഷാസേനയുമായുണ്ടായ ഏറ്റുമുട്ടലില്‍ 12 മാവോയിസ്റുകള്‍ കൊല്ലപ്പെട്ടു. ഇന്നു പുലർച്ചെ രണ്ടരയോടെയായിരുന്നു ആക്രമണം. പൊലീസും സിആര്‍പിഎഫും സംയുക്തമായി നടത്തിയ ആക്രമണത്തില്‍ നാല് മാവോയിസ്റ്റ് കമാൻഡർമാരും അറസ്റ്റിലായി. മാവോയിസ്റ്റുകളിൽ നിന്ന് വൻ ആയുധശേഖരവും പിടിച്ചെടുത്തു.

സത്ബർവ പൊലീസ് സ്റ്റേഷനു സമീപമുള്ള റോഡിലൂടെ മാവോയിസ്റ്റുകൾ വാഹനത്തിൽ സഞ്ചരിക്കുന്നെന്ന വിവരം ലഭിച്ചതിനെ തുടർന്ന് പൊലീസ് തിരച്ചിൽ നടത്തുകയായിരുന്നു. വാഹനം അടുത്തെത്തിയതിനെ തുടർന്ന് പൊലീസ് വെടിയുതിർത്തു. മാവോയിസ്റ്റുകളും തിരിച്ചു വെടിവച്ചു. എകെ 47 ഉൾപ്പെടെയുള്ള ആയുധങ്ങളാണ് ഇവരിൽ നിന്നു പിടിച്ചെടുത്തത്.