അനുബന്ധ വാര്ത്തകള്
- കശ്മീരില് രണ്ടു ലഷ്കര് ഭീകരരെ സുരക്ഷാ സേന വധിച്ചു
- ജമ്മുകശ്മീരിലെ മൂന്നിടങ്ങളിലായി നടന്ന ഏറ്റുമുട്ടലില് ഏഴു ഭീകരരെ വധിച്ചതായി കശ്മീര് പൊലീസ്
- ഏത് രൂപത്തിലുള്ള അക്രമവും വലിയ പാപമാണെന്ന് ഞാൻ വിശ്വസിക്കുന്നു: വിവാദത്തിൽ വിശദീകരണവുമായി സായ് പല്ലവി
- കശ്മീരിലെ കൂട്ടക്കൊലയും പശുവിന്റെ പേരിലുള്ള കൊലയും തമ്മിൽ യാതൊരു വ്യത്യാസവുമില്ല: സായ് പല്ലവി
- കശ്മീരിൽ ടെലിവിഷൻ താരത്തെ ഭീകരർ വെടിവെച്ച് കൊന്നു
ജമ്മു കാശ്മീരില് സൈനികര്ക്ക് നേരെ ചാവേര് ആക്രമണം; മൂന്ന് സൈനികര്ക്ക് വീരമൃത്യു
ജമ്മു കാശ്മീരില് സൈനികര്ക്ക് നേരെയുണ്ടായ ചാവേര് ആക്രമണത്തില് 3 സൈനികര്ക്ക് വീരമൃത്യു. ഇന്ന് രാവിലെ രജൗരി ജില്ലയിലായിരുന്നു സംഭവം. ഭീകരര് നുഴഞ്ഞുകയറുമെന്ന മുന്നറിയിപ്പിന്റെ അടിസ്ഥാനത്തില് ദര്ഹാല് താലൂക്കില് സൈന്യം ദിവസങ്ങളായി പരിശോധന നടത്തിവരികയായിരുന്നു. ഇന്ന് രാവിലെ പരിശോധനയ്ക്കിടെ രണ്ടുപേര് അതിര്ത്തിവഴി നുഴഞ്ഞുകയറുകയായിരുന്നു. ക്യാമ്പിന് സമീപത്തേക്ക് വരുന്നത് സുരക്ഷാ ജീവനക്കാരുടെ ശ്രദ്ധയില്പ്പെടുകയും ഇവരെ പിടികൂടാന് ശ്രമിക്കുകയുമായിരുന്നു. പിന്നാലെ ഭീകരര് വെടിയുതിര്ത്തു.
ഇതോടെ ഏറ്റുമുട്ടല് ആരംഭിക്കുകയായിരുന്നു. വെടിയേറ്റ ചാവേറുകള് സ്വയം പൊട്ടിത്തെറിച്ചു. ആക്രമണത്തില് അഞ്ചോളം സൈനികര്ക്കും പരിക്കേറ്റു. പരിക്കേറ്റ സൈനികരെ സൈനിക ആശുപത്രിയില് പ്രവേശിപ്പിച്ചിട്ടുണ്ട്.
