കശ്മീരിലെ പുല്‍വാമാ ജില്ലയില്‍ സൈനികരും തീവ്രവാദികളും ഏറ്റുമുട്ടി. ഏറ്റുമുട്ടലില്‍ മൂന്ന് ഹിസ്ബുള്‍ മുജാഹിദ്ദീന്‍ തീവ്രവാദികളെ സൈന്യം വധിച്ചു. പുല്‍വാമയിലെ ബുച്ചൂ ഗ്രാമത്തിലാണ് ഏറ്റുമുട്ടലുണ്ടായത്. ഏറ്റുമുട്ടലില്‍ രണ്ട് സൈനികര്‍ക്ക് പരുക്കേറ്റു.

തീവ്രവാദികള്‍ ഒളിച്ചിരുന്ന വീട് സൈന്യം വളയുകയും തുടര്‍ന്ന് കീഴടങ്ങാന്‍ കൂട്ടാക്കാതെ ഭീകരര്‍ സൈന്യത്തിന് നേരെ വെടിയുതിര്‍ക്കുകയുമായിരുന്നു. ഭീകരര്‍ താമസിച്ചിരുന്ന വീട്ടില്‍ നിന്നും മൂന്ന് തോക്കുകളും നിരവധി സ്ഫോടക വസ്തുക്കളും സൈന്യം കണ്ടെടുത്തിട്ടുണ്ട്.