ചെന്നൈ: കൊവിഡ് ബാധിച്ച് ചെന്നൈയിലെ സ്വകാര്യ ആശുപത്രിയിൽ ചികിത്സയിൽ കഴിഞ്ഞിരുന്ന ഡിഎംകെ എംഎൽഎ ജെ അൻപഴകൻ അന്തരിച്ചു. 61 വയസായിരുന്നു.. ചികിത്സയിൽ നേരിയ പുരോഗതി ഉണ്ടായെങ്കിലും തിങ്കളാഴ്ചയോടെ ആരോഗ്യ നില ഗുരുതരമായതിനെ തുടർന്ന് വെന്റിലേറ്ററിൽ പ്രവേശിപ്പിയ്ക്കുകയായിരുന്നു. വൃക്കരോഗം വഷളായതിനെ തുടർന്നാണ് സ്ഥിതി ഗുരുതരമായി മാറിയത്.

ഇദ്ദേഹം കരൾ മാറ്റിവയ്ക്കൽ ശസ്ത്രക്രിയയ്ക്കും വിധേയനായിട്ടുണ്ട്. ഏപ്രിൽ 20 മുതൽ തമിഴിനാട്ടിൽ സംഘടിപ്പിച്ച ദുരിതാശ്വാസ പ്രവർത്തനങ്ങളിൽ ഇദ്ദേഹം സജീവമായി പങ്കെടുത്തിരുന്നു. ശ്വാസ തടസത്തെ തുടർന്ന് ജൂൺ രണ്ടീനാണ് അൻപഴകനെ ആശുപത്രിയിൽ പ്രവേശിപ്പിച്ചത്. തുടർന്ന് നടത്തിയ പരിശോധനയിൽ കൊവിഡ് ബാധ സ്ഥിരീകരിയ്ക്കുകയായിരുന്നു. ചെപ്പോക്ക് തിരുവല്ലിക്കേനി മണ്ഡലത്തിൽനിന്നുമുള്ള എംഎൽഎയാണ് ജെ അൻപഴകൻ.