ന്യൂഡല്‍ഹി|
Last Modified ചൊവ്വ, 20 ഒക്‌ടോബര്‍ 2015 (15:46 IST)
ഗുഡ്ഗാവിലെ ഡിഎല്‍എഫ് ഭൂമി ഇടപാടുമായി ബന്ധപ്പെട്ട് സോണിയാഗാന്ധിയുടെ മരുമകന്‍ റോബര്‍ട്ട് വദ്രക്ക് ഹരിയാന എക്‌സൈസ് ആന്‍ഡ് ടാക്‌സേഷന്‍ വകുപ്പിന്റെ നോട്ടീസ്.ഗുഡ്ഗാവിലെ ടൗണ്‍ പ്ലാനിങ് ഡിപ്പാര്‍ട്ടുമെന്റ് വാണിജ്യ സമുച്ചയം നിര്‍മ്മിക്കാന്‍
സ്‌കൈ ലൈറ്റ് ഹോസ്പിറ്റാലിറ്റി എന്ന കമ്പനിക്കാണ് അനുമതി നല്‍കിയിരുന്നത്. എന്നാല്‍
പിന്നീട് ഈ അനുമതിയും സ്ഥലവും ഡി.എല്‍.എഫിന് വില്‍ക്കുകയായിരുന്നു.
കൈമാറിയ ഭൂമിയുടെ യഥാര്‍ത്ഥവില, വാണിജ്യ സമുച്ചയം നിര്‍മ്മിക്കാനായി നല്‍കിയ കെ.സി. 1868 എന്ന ലൈസന്‍സ് വാങ്ങിയ തുക, സ്ഥലവും ലൈസന്‍സും വില്‍പ്പന നടത്തിയതിന് നല്‍കിയ മൂല്യവര്‍ധിത നികുതിയുടെ വിവരം തുടങ്ങിയവ അറിയിക്കണമെന്നാണ് നോട്ടീസിലുള്ളത്.
