കോവിഡ് നാലാം തരംഗത്തിന്റെ സൂചന നല്‍കി രാജ്യത്ത് കോവിഡ് കേസുകള്‍ ഉയരുന്നു. ഇന്നലത്തേതിനു സമാനമായി ഇന്നും രാജ്യത്ത് രണ്ടായിരത്തില്‍ അധികം കോവിഡ് കേസുകള്‍ റിപ്പോര്‍ട്ട് ചെയ്തു. 2,380 പേര്‍ക്കാണ് കഴിഞ്ഞ 24 മണിക്കൂറിനിടെ രാജ്യത്ത് കോവിഡ് സ്ഥിരീകരിച്ചത്. 56 മരണങ്ങളും റിപ്പോര്‍ട്ട് ചെയ്തു. സജീവ കോവിഡ് രോഗികളുടെ എണ്ണം 13,000 കടന്നു. ഡല്‍ഹിയില്‍ മാത്രം കഴിഞ്ഞ 24 മണിക്കൂറിനിടെ 1,009 പുതിയ കേസുകളാണ് റിപ്പോര്‍ട്ട് ചെയ്തത്.