അഞ്ചുമാസം നീണ്ടുനിന്ന ഭാരത് ജോഡോ യാത്രയ്ക്ക് ഇന്ന് സമാപനം. ഇന്ന് രാവിലെ 10 മണിക്ക് ജമ്മു കാശ്മീര്‍ പിസിസി ഓഫീസില്‍ കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഗാര്‍ഗെ പതാക ഉയര്‍ത്തും. 11 മണിക്കാണ് സമാപന സമ്മേളനം തുടങ്ങുന്നത്. സമാപന സമ്മേളനത്തില്‍ 11 പ്രതിപക്ഷ പാര്‍ട്ടികള്‍ പങ്കെടുക്കും. അതേസമയം പ്രധാന കക്ഷികള്‍ വിട്ടുനില്‍ക്കുന്നത് കോണ്‍ഗ്രസിന് തിരിച്ചടിയായി.

4080 കിലോമീറ്റര്‍ 136 ദിവസം കൊണ്ടാണ് രാഹുലിന്റെ നേതൃത്വത്തില്‍ ജോഡോ യാത്ര പിന്നിട്ടത്. നിരവധി വിവാദങ്ങള്‍ നിറഞ്ഞതുമായിരുന്നു യാത്ര. കഴിഞ്ഞവര്‍ഷം സെപ്റ്റംബര്‍ ഏഴിനാണ് യാത്ര തുടങ്ങുന്നത്. കന്യാകുമാരിയില്‍ നിന്നാണ് യാത്ര തുടങ്ങിയത്.