സിദ്ധാര്ഥ് മല്യ അപകീര്‍ത്തിപ്പെടുത്തിയെന്ന് വിദേശ വനിത
ന്യൂഡല്‍ഹി|
WEBDUNIA|
PRO
PRO
ഐപിഎല് പീഡന വിവാദം ബാംഗ്ലൂര് റോയല് ചലഞ്ചേഴ്സ് ഡയറക്ടര്‍ സിദ്ധാര്ഥ് മല്യയെ കുഴപ്പത്തില്‍ ചാടിക്കുമെന്ന് സൂചന. മല്യയുടെ ട്വീറ്റ് അതിരുകടന്നതാണ് പുതിയ പ്രശ്നങ്ങള്‍ക്ക് കാരണം.
റോയല് ചലഞ്ചേഴ്സ് താരം ലൂക്ക് പോമര്‍ബാഷന്‍ പീഡിപ്പിക്കാന്‍ ശ്രമിച്ചു എന്ന് പരാതിപ്പെട്ട യുഎസ്‌ വനിതയെക്കുറിച്ചാണ് സിദ്ധാര്ഥ് ട്വീറ്റ് ചെയ്തത്. ട്വീറ്റ് തന്നെ അപകീര്‍ത്തിപ്പെടുത്തുന്നതാണെന്ന് ആരോപിച്ച് അവര്‍ വനിതാ കമ്മിഷന്‌ പരാതി നല്‍കാന്‍ ഒരുങ്ങുകയാണ്.
“പരാതിക്കാരിയുടെ വിവാഹം നിശ്‌ചയിച്ചതാണെന്ന്‌ തോന്നുന്നില്ല. അവരുടെ പെരുമാറ്റം അത്തരത്തിലല്ല. കഴിഞ്ഞ രാത്രി മുഴുവന്‍ അവര്‍ തന്റെ പിന്നാലെയായിരുന്നു“- ഇതായിരുന്നു സിദ്ധാര്‍ഥിന്റെ ട്വീറ്റ്.
മത്സരശേഷം ഡല്‍ഹി മൗര്യ ഷെറാട്ടണ്‍ ഹോട്ടലില്‍ നടന്ന പാര്‍ട്ടിക്കിടെ ലൂക്ക് യുവതിയെ ചുംബിക്കാന്‍ ശ്രമിച്ചെന്നാണ് പരാതി. ഇത് തടയാന്‍ ശ്രമിച്ച അവരുടെ പ്രതിശ്രുതവരനെ ലൂക്ക് മര്‍ദ്ദിച്ചുവെന്നും പരാതിയില്‍ പറയുന്നു. തുടര്‍ന്ന് ലൂക്കിനെ അറസ്റ്റ് ചെയ്ത് ജാമ്യത്തില്‍ വിട്ടു.
