മണ്ണിനടിയില്‍ നിറമുള്ള കല്ലുകള്‍; ഉന്നാവോയില്‍ സ്വര്‍ണനിധിവേട്ടപോലെ മാന്‍ഡ്ലയില്‍ ‘പവിഴക്കല്ല്‘ തേടുന്നു
ജബല്പുര്‍|
WEBDUNIA|
PRO
ഉന്നവോയില്‍ ഒരു കോട്ടയുടെ പ്രദേശത്ത് സ്വര്‍ണമുണ്ടെന്ന സന്യാസിയുടെ സ്വപ്നത്തെത്തുടര്‍ന്ന് പുരാവസ്തുവകുപ്പ് ഖനനം നടത്തിയതും ഒടുവില്‍ ഉടഞ്ഞമണ്‍പാത്രങ്ങള്‍ മാത്രം കിട്ടിയതും വാര്‍ത്തയായിരുന്നു.
എന്നാല്‍ ഇപ്പോള്‍ മധ്യപ്രദേശിലെ മാന്‍ഡ്ലയില്‍ നിറമുള്ള കല്ലുകളാണ് താരം. മധ്യപ്രദേശിലെ മന്‍ഡ് ലയില്‍ പവിഴകല്ലുകള്‍ക്കായി ഖനനം നടക്കുകയാണ്.
ഈ ജില്ലയിലെ 10 ഗ്രാമങ്ങളിലാണ് നാട്ടുകാര്‍ പവിഴകല്ലുകള്‍ ഉണ്ടെന്ന ധാരണയില്‍ വ്യാപകമായി ഭൂമി കുഴിക്കാന്‍ തുടങ്ങിയിരിക്കുന്നത്. ഇവിടുത്തെ ഒരു ഗ്രാമത്തില്‍ നിന്നും ചില നിറമുള്ള കല്ലുകള്‍ കിട്ടിയതാണ് ഇതിനുകാരണം.
മാന്‍ഡ് ലയ്ക്ക് സമീപം താരാഗ്രഹ് കോട്ടയില്‍ നിന്നാണ് ആദ്യമായി കല്ലുകള്‍ കണ്ടെത്തിയത്. രാജാക്കന്‍രുടെ ആസ്ഥാനമായിരുന്നു ഇവിടം. എന്നാല്‍ ഇപ്പോള്‍ ഈ കോട്ടയുടെ പരിസരം മുഴുവന്‍ കൊണ്ടുപിടിച്ച ഖനനം നടക്കുകയാണ്.
