ബിഹാറിലെ കോശി നദിയില്‍ ബോട്ട് മുങ്ങി ഒമ്പത് കുട്ടികള് ഉള്‍പ്പെടെ 10 മരണം. 11 പേരാണ് ബോട്ടില്‍ ഉണ്ടായിരുന്നത്. ഒരാളെ രക്ഷപ്പെടുത്തി. മരിച്ചവരില്‍ അഞ്ച് പേര്‍ പെണ്‍കുട്ടികളും നാലു പേര്‍ ആണ്‍കുട്ടികളുമാണ്. മരിച്ച കുട്ടികള് എട്ടിനും പന്ത്രണ്ടിനുമിടയില്‍ പ്രായമുള്ളവരാണ്.
നിലവിളി കേട്ട് ആളുകള്‍ ഓടിക്കൂടിയപ്പോഴേക്കും ബോട്ട് പൂര്‍ണമായും മുങ്ങിപ്പോയിരുന്നു. നദിയുടെ മറുകരയിലുള്ള പണ്ഡിറ്റ് ബാസയില്‍ നിന്ന് ഒരു ചടങ്ങില്‍ പങ്കെടുത്ത് ഖവാന്‍ ഗ്രാമത്തിലേക്ക് മടങ്ങുമ്പോഴായിരുന്നു അപകടം.
മണ്‍സൂണിനെ തുടര്‍ന്ന് ബിഹാറില്‍ കോശി ഉള്‍പ്പടെയുള്ള എല്ലാ നദികളും കരകവിഞ്ഞൊഴുകുകയാണ്. ഇന്നലെ കോശിയിലെ ജലനിരപ്പ് ക്രമാതീതമായി ഉയര്‍ന്നിരുന്നു. നദിയുടെ മധ്യത്തില്‍ വെച്ചാണ് ബോട്ട് മുങ്ങിയത്.
