യുപിയിൽ നിയമവിദ്യാർത്ഥിയെ പീഡിപ്പിച്ച കേസിൽ ബിജെപി നേതാവും മുൻ കേന്ദ്രമന്ത്രിയുമായ സ്വാമി ചിന്മായനന്ദ് അറസ്റ്റിൽ. പ്രത്യേക അന്വേഷണ സംഘമാണ് ചിന്മായനന്ദിനെ അറസ്റ്റ് ചെയ്തത്. ചിന്മായനന്ദ് തന്നെ ലൈംഗികമായി പീഡിപ്പിച്ചുവെന്ന് പരാതി നൽകിയ പെൺകുട്ടി തെളിവായി 43 വിഡിയോ ദൃശ്യങ്ങൾ അടങ്ങിയ പെൻഡ്രൈവ് പ്രത്യേക അന്വേഷണ സംഘത്തിനു കൈമാറിയിരുന്നു.

ഫൊറൻസിക് വിദഗ്ധരുടെ സഹായത്തോടെ ചിന്മയാനന്ദിന്റെ കിടപ്പറ പരിശോധിച്ച സംഘം അവിടെ നിന്നു തെളിവുകൾ ശേഖരിച്ചിരുന്നു. പരാതിക്കാരിയായ പെൺകുട്ടിക്കൊപ്പമായിരുന്നു അന്വേസണ സംഘം ഇവിടെ എത്തിയത്. തെളിവുകളുടെ അടിസ്ഥാനത്തിലാണ് അറസ്റ്റ്.

എൽഎൽഎം കോഴ്സിൽ പ്രവേശനം ലഭിച്ചതിനെ തുടർന്നു ചിന്മയാനന്ദിന്റെ ആൾക്കാർ‌ അയാളുടെ വീട്ടിലേക്ക് വിളിപ്പിച്ചെന്നും പിന്നീട് താൻ കുളിക്കുന്ന വീഡിയോ ചിന്മായനന്ദ് ഫോണിൽ പിടിക്കുകയും അതുവെച്ച് ഭീഷണിപ്പെടുത്തി പീഡനം പതിവാക്കുകയുമായിരുന്നു എന്നാണ് പെൺകുട്ടി നൽകിയ പരാതിയിൽ പറയുന്നത്.