ഒറീസയില്‍ ആറ് മാവോയിസ്റ്റുകള്‍ പൊലീസിനു മുന്നില്‍ കീഴടങ്ങി
ഭുവനേശ്വര്‍|
WEBDUNIA|
Last Modified ചൊവ്വ, 24 സെപ്‌റ്റംബര്‍ 2013 (12:20 IST)
PRO
ഒറീസയില്‍ ആറു മാവോയിസ്റ്റുകള്‍ പൊലീസിനു മുന്നില്‍ കീഴടങ്ങി. സംസ്ഥാനത്ത് പല തരത്തിലുള്ള കുറ്റകൃത്യങ്ങളില്‍ ഏര്‍പ്പെട്ട് കൊണ്ടിരുന്ന ആറു മാവോയിസ്റ്റുകളാണ് പൊലീസിന് കീഴടങ്ങിയത്.
സ്വകാര്യ ഉരുക്കു കമ്പനിയുടെ പൈപ്പ്‌ ലൈന്‍ തകര്‍ക്കല്‍, കൊള്ളയടി തുടങ്ങിയ കുറ്റകൃത്യങ്ങളില്‍ കഴിഞ്ഞ അഞ്ചു വര്‍ഷമായി പങ്കാളികളായിരുന്നവരാണ്‌ കീഴടങ്ങിയതെന്ന്‌ ഒരീസയിലെ മാല്‍ക്കന്‍ഗിരി പൊലീസ് പൊലീസ് സുപ്രണ്ട്‌ പറഞ്ഞു.
നേതാക്കളുമായുള്ള അഭിപ്രായ ഭിന്നതയെ തുടര്‍ന്നാണ്‌ പൊലീസിനു കീഴടങ്ങിയതെന്ന്‌ മാവോയിസ്റ്റുകള്‍ പറഞ്ഞു. മാവോയിസ്റ്റ് ആശയങ്ങളില്‍ നിന്ന്‌ നേതാക്കള്‍ ഏറെ വ്യതിചലിച്ചു പോകുകയാണെന്നും ഇവര്‍ ആരോപിച്ചു. മാവോയിസ്റ്റ് ആശയങ്ങളില്‍ പ്രചരിപ്പിക്കല്‍, വിവരശേഖരണം തുടങ്ങിയ കാര്യങ്ങളിലും ഇവര്‍ ഏര്‍പ്പെട്ടിരുന്നതായി പൊലീസ് സൂപ്രണ്ട് പറഞ്ഞു.
