‘പ്രേമം’ നിറയുകയാണ് കേരളത്തില്. എങ്ങും എവിടെയും പ്രേമം മാനിയ. കേരളം പ്രേമക്കുരുക്കിലാണ്. അല്ഫോണ്സ് പുത്രന് സംവിധാനം ചെയ്ത ഈ അത്ഭുതചിത്രം നിവിന് പോളി എന്ന പുതിയ സൂപ്പര്സ്റ്റാറിനെയും സമ്മാനിച്ചിരിക്കുന്നു. ഏറെക്കാലത്തിന് ശേഷമാണ് തിയേറ്ററുകള്ക്ക് മുന്നില് ഇത്രയും വലിയ ജനക്കൂട്ടം പ്രത്യക്ഷപ്പെടുന്നത്. ലക്ഷക്കണക്കിനാളുകള് ദിവസവും ടിക്കറ്റ് കിട്ടാതെ മടങ്ങുന്നു. എല്ലാ സെന്ററുകളിലും എല്ലാ ഷോയും ഹൌസ് ഫുള്. അടുത്ത ഒരാഴ്ചത്തേക്കുള്ള ഓണ്ലൈന് ടിക്കറ്റുകള് വിറ്റുതീര്ന്നിരിക്കുന്നു. ‘പ്രേമം’ കളക്ഷന് റെക്കോര്ഡുകള് ഭേദിക്കുകയാണ്.
