ദിലീപിന്‍റെ മികച്ച സിനിമകള്‍ തെരഞ്ഞെടുക്കുന്ന ഈ സമയത്തും മലയാള സിനിമയുടെ ബോക്സോഫീസില്‍ നമ്പര്‍ വണ്‍ പ്രകടനവുമായി പ്രദര്‍ശനം തുടരുകയാണ് മേരിക്കുണ്ടൊരു കുഞ്ഞാട്. ദിലീപിന് മാത്രമേ ഇങ്ങനെയൊരു വേഷം ചെയ്യാന്‍ പറ്റൂ എന്ന് ആരും സമ്മതിച്ചുപോകുന്ന കഥാപാത്രം. കുഞ്ഞാട് സോളമന്‍ ഒരു പാവം മനുഷ്യനാണ്. കൊച്ചുകുട്ടികള്‍ക്കു മുമ്പില്‍ പോലും പേടിച്ചു വിറയ്ക്കുന്നവന്‍. ഈ കഥാപാത്രത്തെ ഇത്ര തന്‍‌മയത്വത്തോടെ ഏതു സൂപ്പര്‍താരത്തിന് അവതരിപ്പിക്കാനാവും? കുഞ്ഞാടിന്‍റെ ചെറിയ തമാശകള്‍ പോലും പ്രേക്ഷകര്‍ നെഞ്ചേറ്റുന്നത് ദിലീപിന്‍റെ മാസ്മരിക സാന്നിധ്യത്തിന്‍റെ പ്രത്യേകതയല്ലാതെ മറ്റെന്താണ്?
