ഓം ശാന്തി ഓശാന സൂപ്പര്‍ ഹിറ്റ്, ഹാപ്പി ജേര്‍ണി തകര്‍ന്നു!
WEBDUNIA|
PRO
മലയാളത്തില്‍ ‘ദൃശ്യം’ ഭരണം തുടരുകയാണ്. റിലീസ് ചെയ്ത് നാളിത്രയായിട്ടും ആ സിനിമ കളിക്കുന്ന തിയേറ്ററുകളില്‍ ആവേശം കുറയുന്നില്ല. അതേസമയം പിന്നീടെത്തിയ റിലീസുകളില്‍ പലതിനും പിടിച്ചുനില്‍ക്കാന്‍ കഴിയുന്നില്ല.
അടുത്തിടെ റിലീസായ ഹാപ്പി ജേര്‍ണി എന്ന ജയസൂര്യച്ചിത്രം ബോക്സോഫീസില്‍ തകര്‍ന്നു. മികച്ച ഇനിഷ്യല്‍ കളക്ഷന്‍ പോലും ചിത്രത്തിന് ലഭിച്ചില്ല. ആ സിനിമ മോശമായതുകൊണ്ടല്ല അങ്ങനെ സംഭവിച്ചത്. നല്ല അഭിപ്രായം ഉണ്ടായിട്ടുപോലും തിയേറ്ററിലേക്ക് ആളെത്തിയില്ല.
ഒരു ട്രാജഡി സിനിമയായിരിക്കും അതെന്ന മുന്‍‌ധാരണയായിരിക്കാം ചിത്രത്തിന് വിപരീത അനുഭവം ഉണ്ടാക്കിയതെന്നാണ് റിപ്പോര്‍ട്ടുകള്‍. റോമന്‍സ് പോലെ വലിയ ഹിറ്റ് നല്‍കിയ സംവിധായകന്‍റെയും ജയസൂര്യ എന്ന സൂപ്പര്‍സ്റ്റാറിന്‍റെയും സാന്നിധ്യം പോലും ഹാപ്പി ജേര്‍ണിയെ ഹിറ്റിലേക്ക് നയിച്ചില്ല.
