1. വിനോദം
  2. സിനിമ
  3. മികച്ച സിനിമകള്‍
  4. Mammootty Dennis Joseph Renji Panicker Renjith

അത് മമ്മൂട്ടി ചെയ്താല്‍ ശരിയാവില്ല എന്ന് ആരെങ്കിലും പറഞ്ഞാല്‍ അതോടെ തീര്‍ന്നു, പടം മെഗാഹിറ്റെന്ന് ഉറപ്പിക്കാം!

മമ്മൂട്ടി
എല്ലാ തിരക്കഥകള്‍ക്കും അതിന്‍റേതായ വിധിയുണ്ട്. അത് ആര് സംവിധാനം ചെയ്യണം, ആര് നിര്‍മ്മിക്കണം, ആരൊക്കെ അഭിനയിക്കണം എന്നൊക്കെ. ചില തിരക്കഥകള്‍ പ്രതീക്ഷകള്‍ക്കൊത്ത് ഉയരില്ല. ചിലത് പ്രതീക്ഷിക്കാത്ത തലങ്ങളിലേക്ക് വളരുന്നു.
 
അത്തരത്തില്‍ ഉയരങ്ങളിലേക്ക് വളര്‍ന്ന ഒരു തിരക്കഥയായിരുന്നു ‘കോട്ടയം കുഞ്ഞച്ചന്‍’. ഡെന്നിസ് ജോസഫിന്‍റെ ഈ തിരക്കഥ 10 നിര്‍മ്മാതാക്കളും അഞ്ച് സംവിധായകരും ആദ്യം നിരസിച്ചതാണ്. കുഞ്ഞച്ചന്‍ എന്ന പകുതി ഹാസ്യവും പകുതി ഗൌരവഭാവവുമുള്ള കഥാപാത്രത്തെ മമ്മൂട്ടിക്ക് ചേരില്ല എന്നായിരുന്നു എല്ലാവരുടെയും അഭിപ്രായം.
 
പല തടസങ്ങള്‍ക്കും തള്ളിപ്പറയലുകള്‍ക്കുമൊടുവില്‍ സുനിതാ പ്രൊഡക്ഷന്‍സിന്‍റെ എം മണി ഈ സിനിമ നിര്‍മ്മിക്കാമെന്നേറ്റു. സംവിധായകനായി ടി എസ് സുരേഷ്ബാബുവും വന്നു. അന്നുവരെയുള്ള കളക്ഷന്‍ റെക്കോര്‍ഡുകളെല്ലാം തിരുത്തിക്കുറിച്ച വിജയമാണ് കോട്ടയം കുഞ്ഞച്ചന്‍ സ്വന്തമാക്കിയത്.
 
ഇത്രയധികം നിര്‍മ്മാതാക്കളും സംവിധായകരും നിരസിച്ച തിരക്കഥയാണ് കോട്ടയം കുഞ്ഞച്ചന്‍റേത് എന്ന കാര്യം ഇപ്പോഴും മമ്മൂട്ടിക്ക് അറിയില്ല എന്നാണ് ടി എസ് സുരേഷ്ബാബു ഇപ്പോള്‍ വെളിപ്പെടുത്തുന്നത്.
അടുത്ത ലേഖനം
ആളോഹരി ആനന്ദത്തിന്‍റെ സ്ഥിതി എന്താണ്? മമ്മൂട്ടി അഭിനയിക്കില്ലേ?