ലെ ക്ലസിയോ: യാത്രകളുടെ എഴുത്തുകാരന്‍

PRO

മനോഹരമായ യാത്രകളായിരുന്നു ലെ ക്ലസിയോയുടെ നോവലുകളെ അര്‍ത്ഥവത്താക്കിയത്‌. പുരാതന സംസ്‌കൃതികളുടെ ഭംഗിയും ആധുനിക സംസ്‌കാരത്താല്‍ അവയ്‌ക്ക്‌ ഏല്‍ക്കുന്ന മുറിവുകളും ലെ ക്ലസിയോയുടെ എഴുത്തുകളില്‍ നിറഞ്ഞു.

ചെറുകഥകളും നോവലുകളും ലേഖന സമാഹാരങ്ങളും അടക്കം നാല്‍പ്പതോളം പുസ്‌തകങ്ങള്‍ പ്രസിദ്ധീകരിച്ചു. രണ്ട്‌ ഇന്ത്യന്‍ ഐതീഹ്യ ഗ്രന്ഥങ്ങള്‍ പരിഭാഷപ്പെടുത്തി പ്രസിദ്ധീകരിച്ചിട്ടുണ്ട്‌.

സാഹിത്യത്തിന്‌ നല്‌കിവരുന്ന ഈ പരമോന്നത പുരസ്‌കാരം നേടുന്ന മൂന്നാമത്തെ ഫ്രഞ്ചുകാരനാണ്‌ ലെ ക്ലസിയോ. 1985ല്‍ കൗദ്‌ സൈമണും 2000ല്‍ ഗോ സിങ്‌ഗ്യാനും ആണ്‌ നൊബേല്‍ പുരസ്‌കാരം നേരത്തെ ഫ്രാന്‍സിന്‍ എത്തിച്ചത്‌.

പ്രമുഖ ഫ്രഞ്ച്‌ സാഹിത്യ മാസിക ഒരു ദശകം മുമ്പ്‌ നടത്തിയ സര്‍വ്വേയില്‍ ജീവിച്ചിരിക്കുന്ന ഏറ്റവും മികച്ച ഫ്രഞ്ച്‌ എഴുത്തുകാരനെന്ന പദവി ലെ ക്ലസിയോക്ക്‌ ലഭിച്ചിരുന്നു.

ലെ ക്ലസിയോയുടെ സാഹിത്യ ജീവിതത്തെ നിരൂപകര്‍ രണ്ടായി തരം തിരിച്ചിട്ടുണ്ട്‌. പരീക്ഷണോത്മുകമായ ആദ്യഘട്ടവും ജനപ്രിയമായ രണ്ടാം ഘട്ടവും. ഭാഷയിലും ശൈലിയിലും പരീക്ഷണം നടത്തുകയും തീവ്രമായ പ്രമേയങ്ങള്‍ കൈകാര്യം ചെയ്യുന്നതുമായിരുന്നു ആദ്യഘട്ടമെങ്കില്‍ ബാല്യകാല പ്രമേയങ്ങളും യാത്രകളും കൗമാരകഥകളും പ്രമേയമാക്കിയതായിരുന്നു ജനപ്രിയമായ രണ്ടാം ഘട്ടം.

1992ല്‍ പ്രസിദ്ധീകരിച്ച ‘പാവാന’ എന്ന നോവലില്‍ ലെ ക്ലസിയോ ഇങ്ങനെ എഴുതിയത്‌ തികച്ചും വ്യക്തിപരമായിട്ടായിരുന്നു:

WEBDUNIA|

“അത്‌ തുടക്കത്തിലായിരുന്നു, എല്ലാത്തിന്‍റേയും തുടക്കത്തില്‍, പക്ഷികളും സൂര്യപ്രകാശവും അല്ലാതെ കടലിനുമുകളില്‍ ഒന്നും ഇല്ലാതിരുന്ന കാലം. കുട്ടിക്കാലം മുതല്‍ അവിടേയ്‌ക്ക്‌ പോകുന്നത്‌ ഞാന്‍ സ്വപ്‌നം കണ്ടിരുന്നു. എല്ലാം ആരംഭിക്കുകയും അവസാനിക്കുകയും ചെയ്യുന്ന ഇടത്തിലേക്ക്‌.”

ഇതിനെക്കുറിച്ച് കൂടുതല്‍ വായിക്കുക :

ക്ലസിയോ യാത്രകളുടെ എഴുത്തുകാരന് ജ്ഷ്വാന്മാരി ഗുസ്താവ് ലെ ക്ലസിയോ അഥവാ ജെഎംജി ലെ ക്ലസിയോ ഫ്രഞ്ച് നൊബേല് പുരസ്കാരം സ്വീഡിഷ് അക്കാദമി