അനുബന്ധ വാര്ത്തകള്
- 400 സ്ത്രീകളെ ബലാത്സംഗം ചെയ്തയാൾക്ക് വോട്ട് ചെയ്യണമെന്ന് മോദി പറയുന്നു, ജനങ്ങളോട് മാപ്പ് പറയണമെന്ന് രാഹുൽ ഗാന്ധി
- കുത്തക സീറ്റെന്ന ആക്ഷേപം അവസാനിപ്പിക്കണം; അമേത്തിയിലും റായ് ബറേലിയിലും കുടുംബക്കാര് മത്സരിക്കേണ്ടെന്ന നിലപാടില് രാഹുല്
- രാഹുല് ഗാന്ധിയുടെ ഭൂരിപക്ഷം കഴിഞ്ഞ തവണത്തേക്കാള് പകുതിയായേക്കാമെന്ന് കോണ്ഗ്രസ് വിലയിരുത്തല്
- Rahul Gandhi and Priyanka Gandhi: വന് ട്വിസ്റ്റ് ! അമേത്തിയിലും റായ് ബറേലിയിലും നെഹ്റു കുടുംബത്തില് നിന്നല്ലാത്ത സ്ഥാനാര്ഥികള്
- Rahul Gandhi: ഒടുവിൽ രാഹുൽ യുദ്ധമുഖത്തേക്ക്, അമേഠിയിൽ മത്സരിച്ചേക്കും റായ്ബറേലിയിൽ പ്രിയങ്ക സ്ഥാനാർഥിയാകും
സോണിയയുടെ റായ് ബറേലിയില് രാഹുല് സ്ഥാനാര്ഥി; അമേത്തി ഉപേക്ഷിച്ചു, പകരം കിഷോരി ലാല് ശര്മ
ഉത്തര്പ്രദേശില് കോണ്ഗ്രസിനു ഏറ്റവും ഉറപ്പുള്ള മണ്ഡലമാണ് റായ് ബറേലി
Mallikarjun Kharge and Rahul gandhi
സസ്പെന്സുകള്ക്ക് ഒടുവില് റായ് ബറേലി, അമേത്തി മണ്ഡലങ്ങളിലെ സ്ഥാനാര്ഥികളെ പ്രഖ്യാപിച്ച് കോണ്ഗ്രസ്. രാഹുല് ഗാന്ധി റായ് ബറേലിയിലും കിഷോരി ലാല് ശര്മ അമേത്തിയിലും മത്സരിക്കും. പ്രിയങ്ക ഗാന്ധി തിരഞ്ഞെടുപ്പില് മത്സരിക്കില്ല. അമേത്തിയില് മത്സരിക്കാന് സന്നദ്ധനല്ലെന്ന് രാഹുല് നേരത്തെ പാര്ട്ടി നേതൃത്വത്തെ അറിയിച്ചിരുന്നു.
2004 മുതല് 2014 വരെയുള്ള ലോക്സഭാ തിരഞ്ഞെടുപ്പുകളില് അമേത്തിയില് നിന്ന് ജയിച്ച കോണ്ഗ്രസ് നേതാവാണ് രാഹുല് ഗാന്ധി. 2019 ലെ തിരഞ്ഞെടുപ്പില് ബിജെപിയുടെ സ്മൃതി ഇറാനിയോട് തോറ്റത് വന് തിരിച്ചടിയായി. ഇത്തവണയും അമേത്തിയില് മത്സരിച്ച് മണ്ഡലം തിരിച്ചുപിടിക്കുമെന്നാണ് കോണ്ഗ്രസ് കരുതിയത്. എന്നാല് അമേത്തിയില് മത്സരിക്കാന് താല്പര്യമില്ലെന്ന് രാഹുല് പാര്ട്ടി നേതൃത്വത്തെ അറിയിക്കുകയായിരുന്നു. ഇതേ തുടര്ന്നാണ് 2004 മുതല് അമ്മ സോണിയ ഗാന്ധി ജയിച്ചുവരുന്ന റായ് ബറേലി മണ്ഡലത്തിലേക്ക് രാഹുല് മാറിയത്.
ഉത്തര്പ്രദേശില് കോണ്ഗ്രസിനു ഏറ്റവും ഉറപ്പുള്ള മണ്ഡലമാണ് റായ് ബറേലി. പരാജയ ഭീതിയെ തുടര്ന്നാണ് രാഹുല് അമേത്തി വിട്ട് റായ് ബറേലിയിലേക്ക് പോയതെന്ന പ്രചാരണം ബിജെപി വരും ദിവസങ്ങളില് രാഷ്ട്രീയ ആയുധമാക്കും. മാത്രമല്ല കേരളത്തിലെ വയനാട്ടില് നിന്നും രാഹുല് ജനവിധി തേടിയിട്ടുണ്ട്. വയനാട്ടിലും റായ് ബറേലിയിലും ജയിച്ചു വരികയാണെങ്കില് രാഹുല് ഒരു മണ്ഡലം ഉപേക്ഷിക്കേണ്ടി വരും.
