സിപിഎമ്മിനെ തകര്‍ക്കാന്‍ സിപിഎം തന്നെ വിചാരിക്കണം: മുഖ്യമന്ത്രി
തൃശൂര്‍|
WEBDUNIA|
PRO
PRO
സിപിഎമ്മിനെ തകര്‍ക്കാനും ഇല്ലാതാക്കാനും സിപിഎമ്മിന് മാത്രമേ സാധിക്കൂവെന്ന്‌ മുഖ്യമന്ത്രി ഉമ്മന്ചാണ്ടി. കോണ്‍ഗ്രസിന്‌ ചിലപ്പോള്‍ സിപിഎമ്മിനെ തോല്‍പ്പിക്കാന്‍ കഴിഞ്ഞേക്കും. എന്നാല്‍ ഇല്ലാതാക്കാനാവില്ല- മുഖ്യമന്ത്രി പറഞ്ഞു. സിപിഎമ്മിനെ തകര്‍ക്കാമെന്ന് യുഡിഎഫ്‌ സര്‍ക്കാര്‍ കരുതേണ്ടെന്ന പാര്‍ട്ടി സംസ്‌ഥാന സെക്രട്ടറി പിണറായി വിജയന്റെ പ്രസ്‌താവനയോട്‌ പ്രതികരിക്കുകയായിരുന്നു അദ്ദേഹം.
ജനാധിപത്യത്തില്‍ ഒരു പാര്‍ട്ടിക്കും മറ്റൊരു പാര്‍ട്ടിയെ ഇല്ലാതാക്കാന്‍ കഴിയില്ല, തോല്‍പ്പിക്കാന്‍ മാത്രമേ കഴിയൂ. ഇല്ലാതാക്കാന്‍ അതതു പാര്‍ട്ടിയ്‌ക്കുള്ളില്‍ പ്രവര്‍ത്തിക്കുന്നവര്‍ തീരുമാനിക്കണമെന്നും മുഖ്യമന്ത്രി വ്യക്തമാക്കി.
പി മോഹനന്റെ അറസ്റ്റില്‍ പ്രതിഷേധിച്ച് സിപിഎം പ്രവര്‍ത്തകര്‍ വെള്ളിയാഴ്ച വടകര കോടതിക്ക്‌ പുറത്ത്‌ നടത്തിയ അക്രമം നിയമവാഴ്‌ചയോടുള്ള വെല്ലുവിളിയാണെന്ന് മുഖ്യമന്ത്രി അഭിപ്രായപ്പെട്ടു.
