യുവാവിനെ തട്ടിക്കൊണ്ടുപോയി പണം തട്ടിയെടുത്ത് കുറ്റിക്കാട്ടില്‍ ഉപേക്ഷിച്ചു
മുഹമ്മ(ആലപ്പുഴ): |
WEBDUNIA|
PRO
PRO
അഞ്ചംഗസംഘം യുവാവിനെ തട്ടിക്കൊണ്ടുവന്ന്‌ മര്‍ദ്ദിച്ച്‌ പണം തട്ടിയെടുത്ത് കുറ്റിക്കാട്ടില്‍ ഉപേക്ഷിച്ചു. എറണാകുളം കടുങ്ങല്ലൂര്‍ പഞ്ചായത്ത്‌ കരോട്ടുകരയില്‍ കുഞ്ഞപ്പന്റെ മകന്‍ സുകേശി (32)നെയാണ്‌ കഴിഞ്ഞദിവസം രാവിലെ മുഹമ്മ പതിനാലാം വാര്‍ഡ്‌ നെല്ലിശേരി കുറ്റിക്കാട്ടില്‍ ഉപേക്ഷിച്ച നിലയില്‍ കണ്ടെത്തിയത്‌.
അഞ്ചംഗസംഘം ഓട്ടോറിക്ഷയില്‍ തട്ടിക്കൊണ്ടുവന്ന്‌ മര്‍ദ്ദിച്ച ശേഷം ഉപേക്ഷിക്കുകയായിരുന്നുവെന്നാണ്‌ ഇയാള്‍ പോലീസില്‍ മൊഴി നല്‍കിയിട്ടുള്ളത്‌. ഇയാള്‍ ബൈക്കില്‍ സഞ്ചരിക്കുമ്പോള്‍ തടഞ്ഞുനിര്‍ത്തി ഓട്ടോയില്‍ കടത്തിക്കൊണ്ടു പോകുകയായിരുന്നു. സംഘാംഗങ്ങളില്‍ ഒരാള്‍ ഇയാളുടെ ബൈക്ക്‌ ഓടിച്ച്‌ പിന്നാലെയുമെത്തി. ചേര്‍ത്തല റെയില്‍വേ സ്റ്റേഷന്‌ സമീപം മദ്യം നല്‍കി മര്‍ദ്ദിച്ച്‌ അവശനാക്കി ഉപേക്ഷിച്ചുവെന്നാണ്‌ പറയുന്നത്‌.
തട്ടിക്കൊണ്ടുവന്ന സംഘം ഇയാളില്‍ നിന്ന്‌ 3,500 രൂപ, മൂന്ന്‌ എടിഎം കാര്‍ഡുകള്‍, ഒരു പാന്‍ ഡാര്‍ഡ്‌, ബൈക്ക്‌ എന്നിവ തട്ടിയെടുത്തതായും മുഹമ്മ പോലീസില്‍ നല്‍കിയ മൊഴിയില്‍ പറയുന്നു. ഒരു ധനകാര്യ സ്ഥാപനത്തില്‍ നിന്ന്‌ വായ്പ കൊടുക്കാമെന്ന്‌ സ്ത്രീ ഫോണില്‍ വിളിച്ചറിയിച്ചതിനെ തുടര്‍ന്ന്‌ എത്തിയപ്പോഴാണ്‌ തട്ടിക്കൊണ്ടു പോയതെന്ന്‌ പറയുന്നു.
മുഹമ്മ പതിനാലാം വാര്‍ഡ്‌ ചാണിവെളി രാജീവ്‌, ഭാസ്ക്കര മംഗലത്ത്‌ ആര്‍ രാജീവ്‌, ചേര്‍ത്തല കടക്കരപ്പള്ളി കൂരാപ്പള്ളി ജയന്‍, കളരിപ്പറമ്പില്‍ സോണി, ഓട്ടോ ഡ്രൈവര്‍ രഞ്ജിത്‌ എന്നിവരാണ്‌ സംഘത്തിലുണ്ടായിരുന്നതെന്ന്‌ സുകേശന്‍ പറഞ്ഞു.
