മുഖ്യമന്ത്രിയുടെ വാഹനത്തിനു നേരെ ചെരുപ്പേറ്, കരിങ്കൊടി
കോഴിക്കോട്|
WEBDUNIA|
PRO
മുഖ്യമന്ത്രി ഉമ്മന്‍ചാണ്ടിയെ കോഴിക്കോട് റെയില്വേ സ്റ്റേഷനില്‍ ഡിവൈഎഫ്ഐ പ്രവര്‍ത്തകര്‍ കരിങ്കൊടി കാണിച്ചു. വ്യാഴാഴ്ച ജില്ലയില്‍ വിവിധ പരിപാടികളില്‍ സംബന്ധിക്കാന്‍ എത്തിയതായിരുന്നു മുഖ്യമന്ത്രി.
രാവിലെ ആറ് മണിയോടെയാണ് സംഭവം. ഡിവൈഎഫ്ഐ പ്രവര്‍ത്തകര്‍ വഴിതടയുമെന്ന വിവരത്തെ തുടര്‍ന്ന് കനത്ത സുരക്ഷയാണ് ഒരുക്കിയിരുന്നത്. എന്നാല്‍ റെയില്‍വെ സ്റ്റേഷന് അകത്തും പുറത്തും നിന്ന പ്രവര്‍ത്തകര്‍ മുദ്രാവാക്യം മുഴക്കി കരിങ്കൊടിയുമായി മുഖ്യമന്ത്രിയെ തടഞ്ഞു.
കരിങ്കൊടിയുമായി എത്തിയ പ്രവര്‍ത്തകരെ പെലീസ് തടയുന്നതിനിടെ, മുഖ്യമന്ത്രിയുടെ വാഹനത്തിന് നേരെ ചെരിപ്പേറുണ്ടായി. പ്രവര്‍ത്തകര്‍ക്ക് നേരെ പൊലീസ് ലാത്തി വീശി. ഒരാള്‍ക്ക് പരിക്കേറ്റു.
വ്യാഴാഴ്ച രാവിലെ ആറു മണിയോടെ, തിരുവനന്തപുരം-മംഗലാപുരം എക്സ്പ്രസ് തീവണ്ടിയിലാണ് മുഖ്യമന്ത്രി കോഴിക്കോട് എത്തിയത്.
