നെടുമ്പാശേരി അന്താരാഷ്ട്ര വിമാത്താവളത്തില്‍ 40 വയര്ലെസ് സെറ്റുകളുമായി രണ്ടു ശ്രീലങ്കന്‍ സ്വദേശികള്‍ പിടിയില്‍. താവൂദ്, മുഹമ്മദ് അബ്ദുള്ള എന്നിവരെയാണ് കസ്റ്റംസ് പിടികൂടിയത്. വെള്ളിയാഴ്ച രാവിലെ ശ്രീലങ്കന്‍ എയര്‍വേസ് വിമാനത്തിലാണ് ഇവര്‍ നെടുമ്പാശേരിയില്‍ വന്നിറങ്ങിയത്.
രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയില്‍ ആണ് വയര്ലെസ് സെറ്റുകള്‍ പിടികൂടിയത്. പിടികൂടിയ സെറ്റുകള്‍ക്ക് ആറ് ലക്ഷം രൂപ വില വരും.
പിടിയിലായ ശ്രീലങ്ക സ്വദേശികള്‍ മുമ്പും ഇവര്‍ കടത്തിയിട്ടുണ്ട് എന്നാണ് വിവരം. എന്നാല്‍ ആര്‍ക്കുവേണ്ടിയാണ് ഇവര്‍ ഇത് ചെയ്യുന്നത് എന്ന് വ്യക്തമല്ല. ഇന്ത്യന്‍ ശിക്ഷാ നിയമപ്രകാരം വയര്ലെസ് സെറ്റുകള്‍ കടത്തുന്നത് കുറ്റകരമാണ്.
